DÍLI----Visé-II Prezidente Parlamentu Nasionál (V-IIPPN)-Deputadu, Luís Roberto da Silva, Hatete, Ohin loron Ita la’o ba mai hare sidadaun moras psikolojika barak mak lao ba mai no kalan toba iha estrada ninin iha sidade Dili maibe governu Governu la’o ba mai lahare, tanba ne’e husu ba Governu liliu Ministeiru da Saúde (MS), Ministeiru Solidariedade Sosial no Inkluzaun (MSSI), Direitus Humanus halo nusa para bele kopera hamutuk ho Intituisaun sira hodi halo tratamentu ba maluk sidadaun sira ne’ebé moras mental iha fatin dignu.

“Hakarak husu ba ita-nia Governu liu Ministeiru da Saúde (MS) nune’e Ministeiru Solidaridade Sosial no Inkluzaun, Direitus Humanus halo nusa para bele kopera hamutuk ho Intituisaun sira ne’ebé mak hanesan PRADE sira ne’e mak kopera hamutuk atu halo nusa para ita-nia maluk sidadaun sira moras mental sira ne’e iha fatin para ita haree ba direitu demokratiku ne’e ita tenki halo tramentu dignu ba ita-nia sidadaun sira hotu-hotu,” Hateten Visé-II Prezidente Parlamentu Nasionál (V-PPN) Deputadu Luís Roberto da Silva liu husi ninia intervensaun iha Parlamentu Nasionál (PN), Tersa (05/10).

Nia hatutan, Sidadaun sira ne’ebé mak moras mental balun sira lauza roupa tantu feto, tantu mane hamri’ik iha dalan ninin la hatais roupa ita hotu haree, maibé haree ita-nia sentimentu nu’udar Timor-Oan ne’e iha ne’ebé la halo tramentu dignu ba ita-nia emar sira ne’e.

Iha sorin seluk, Prezidete Komisaun F (Trata Asuntu komisaun da Saúde, Seguransa Sosial e Igualidade de Géneru) Deputadu PLP, Nóe da Silva Ximenes “Buka Tuir”, Hatutan, Problema agora dadaun ita iha de’it sentru rehabilitasaun ba sorin mental ne’e mós ida de’it, nune’e mós la’os estadu nian, foin lalais sira parte madre sira iha Maliana mós propoin hela fatin ida agora dadauk estadu liliu Ministeiru Sosial tenki haree ida ne’e.

“Madre sira iha Maliana ne’ebé bele estabese fatin balun tan hodi bele fó garantia ba ita-nia Saúde Mental hodi bele tau iha sira iha fatin ne’ebé dignu,” Haktuir Prezidete Komisaun F (Trata Asuntu komisaun da Saúde, Seguransa Sosial e Igualidade de Géneru) Deputadu PLP, Nóe da Silva Ximenes “Buka Tuir”.

Nia esplika, La kleur tan debate orsamentu sei la’o, audensia sei la’o ami-nia proposta ida hakarak atu hato’o ba iha Ministeiru Sosial mak oinsa bele hadia fó ne’e tenki espasu ida ba ita-nia ema ho moras mental sira, tanba espasu sira ne’ebé mak agora iha tanto iha Maliana ou ne’ebé mak agora sei estabelese hela no iha Laklubar ne’ebá ne’e ne’e la’os estadu nian.

Nia Afirma, Ita-nia hakarak ne’e estadu tenki estabelese fatin ruma ne’ebé mak iha para estadu rasik bele tau matan pro-ezemplu hanesan ema suasta ne’e so sira iha osan, ba família sira balun iha osan mak foin lori ba kuandu la ona osan sira la bele augenta iha ne’ebá to’o semana barak ate to’o tan tinan, entaun sira to’o de’it semana rua sira sai ona maibé estadu otomatikamente nia to’o rekopera ninia saúde hotu di’ak mak nia foin atu sai husi fatin ida ne’e, tanba ita hakarak ne’e Ministeiru Sosial tenki kria fatin ida ba sira.

“Relasiona ho moras mental ne’e ha’u hanoin fatin barak mak ha’u la dun hatene mais ida espesifika ne’e iha Maliana mak hakara atu halo estabelesementu ba fatin ida ne’e, iha ona akordaun husi Ministeiru Sosial tanto mos identidade sira ne’ebé mak hakarak kopera,” Salienta nia. (BT)