DÍLI----Antero Pereira ho idade 22 da-daun ne’e hala’o estudu iha Úniversidade Nasionál Timor Lorosa'e (UNTL) Fakuldade Agrikultura no Departamentu Agro Sósiu-Ekonómia relata, fatin Illa Jaco iha Munisipiu Lautém hanesan fátin turismu ida iha Timor-Leste, tanbá fátin ne’e iha nia Beleza no sá fátin potensial ba Komersiu Nasionál no Internasionál.

“Fátin Illa Jaco ne’e fátin ida ne’ebé maka kuñesidu iha Timor-Leste liu-liu iha rejiaun parte Leste iha Postu Administrativu Tutual Munisípiu Lautem iha Com tanba ita hatene katak turizmu nu’udár atividade ida, hodi tama saí fátin ida ba fátin seluk, ho objetivu atu hatene no kuñese fenómenu sosiál no kultural sira ne'ebé ejiste mak iha rai laran no rai liur,” Hateten Estudante UNTL, Antero Pereira ba Jornalista Bisnis Timor (BT) iha Fatuhada, Tersa (05/10).

Nia hatutan, Hanesan estudante akompaiña mundu internasional parte turizmu mos hola parte ba reseitas ekonomiku, hanesan halo komparasaun iha Indonesia dadaun ne’e sira halo fatin turizmu Relijiozu sira nomos fatin sira seluk ne’ebe mak diak serve ba fatin turizmu sira komesa hadia no ema ba vizita selu ho osan uit-oan.

Nia dehan, Agora liga fali ba Illa de Jaco dau-daun ne’e tuir ami estudante ninia observa no hare jaco mos saí faze potensiál ida ne’ebé ba komérsiu nasionál no internasionál iha mundu tomák, maibe presiza dezemvolve dau-dauk ona, ne’e mós ema hotu aprezenta fonte rendimentu income prinnsipál ba mundu tomák seí dezenvolve.

Fontes turizmu prioridade ba rede kompleksu inter-relasaun no iha ne’ebé halo turista sira hotu-hotu iha ambisaun boot atu vizita, tau mos importánsia espasu ba movimentu iha komunidade lokál, ambiente, kultura, parte ne’ebé interesante ba públiku no privadu nomos ba sosiedade sívil tomak.

“Fonte turízmu nu’udár faze potensiál ba dezenvolvimentu no destinu nasaun nian, entaun Jaco hola parte ba turízmu mós saí fenómenu dinámiku ne’ebé la’os de’it fó benefísiu no influensia ba nasaun ida nian, maibé mós nia iha dimensaun Ambientál, Polítika, Sosiál no Kulturál ba nasaun ida nian,” Esplika Antero

Tuir nia, Governu Timor-Leste kuñese ona katak, turízmu nu’udár ekosistema kompleksu ne’ebé envolve movimentu/viajen, husi nasaun ida ba nasaun seluk, no ba fátin ida ba fátin seluk, moris fatin ka ambiente kostume no halo interasaun no komunikasaun ho ambiente físiku, laiha físiku no komunidade lokál sira.

Enkuantu, biodiversidade ka turízmu ne’ebé turista sira ejije, no sujestaun katak, asaun kolektiva iha nível hotu-hotu iha sosiedade no komunidade lokál no presiza iha konsiénsia no komprensaun jerál katak, susesu ba setór turizmu ida ne’e saí asuntu no responsabilidade ema hotu-hotu nian.

“Timor-Leste nasaun ida ne’ebé mak demokrátiku no liberdade ba hotu-hotu no laiha limitasaun ba ema ida nia karakterístika ne'ebé forma tuir prinsípiu demokrásia nian, nasaun Timor-Leste nasaun ida ne’ebé mak ki’ik tebés, no nia besik iha Sudeste Ita Nia Turizmu No Ita Nia Beleza,” tanba turizmu nu’udár atividade hodi tama saí fátin ida ba fátin seluk, ho objetivu atu hatene no kuñese fenómenu sosiál no kultural sira Be eziste iha rai laran no rai liur,” Hateten nia.

Antero Akresenta, Nasaun Timor-Leste ida ne’e mós iha faze potensiál boot tebés, iha área turizmu, tambá iha área ne’e mak identifika nu’udár area turízmu maka iha Illa Ataúru, Illa Jaco no nasaun ida ne’e mós potensiál boot tebés iha Petroleum, Mina-rai no Gas nomos Nasaun Timor-Leste iha setór ida ne’ebé maka moris ho riku soin oin-oin mak hanesan iha sustentabilidade sosiál ho ambiente no kulturál ne’ebé bele kontribui ba dezenvolvimentu nasaun nian, fasil atu kontribui maka’as ba empregu país laran tomák, iha posibilidade.

Timor-Leste iha potensiál turístika ne’ebé mak boot tebés, no setór ida ne’ebé iha importánsia krítika ba futuru ekonómiku, Timor-Leste mós saí destinasaun turízmu internasionál ne’ebé kompetetivu no iha tempu prezervasaun nasaun nian iha ambiente no kultura, ne’ebé úniku no atrai turísta sira nia viajem hosi rai ida ba rai seluk inklui Timor-Leste.

Nia Haktuir, Rekursu potensiál ne’ebé oferese ba turizmu mak hanesan Ilha de Jaco ho naran Fataluku TOTINA, hanesan naran hosi Ilheu idea ne’ebé pertense iha Timor-Leste, ne’ebé lokalizadu iha Ponta Oriental Ilheu Timor-Leste nian, Jaco mós konsidera Illa ne’ebé maka lulik ka sagradu hosi komunidade lokál, ne’ebé hela besik, tantu komunidade Lospalos tomák, no komunidade ne’ebé tama ba área Ilheu ne’e konsidera hanesan illegal.

“Ilha de Joco, ilha ne’ebé úniku tebés iha Timor-Leste, la’os hosi ne’e aspeitu ilha ne’ebé iha Timor rua de’it maka Ataúru no Jaku, maibé hosi aspeitu misteriozu, hanesan sasan lulik sira ne’ebé iha fátin refere, tambá iha Ilha ne’e konsidera hanesan ain fátin ne'ebé riska hosi Beiala sira nian, komunidade Lospalos liu-liu komunidade sira ne’ebé mak besik iha área refere desde uluk to’o agora,” Afirma nia.

Tuir komunidade Ualu ne’ebé deklara katak, lafó lisensa ba vijitantes sira atu toba iha Ilha refere, ho razaun meus ida ne’e la’os atu proteje Ilha nia furak de’it, maibé atu proteje mðs ba konsiderasaun ain fátin Beiala sira nia mistreriu úniku ida iha Jaku mak, sosialismu sólidu versaun kulturál misteriu ne’e maka lori ona mai ho ni moto Munisípiu Lautém katak ”Horupe Lauteini Ukani, Horupe Lauteni Uhule katak " hamutuk Lautém ida, hamutuk Lautém bele”.

Entretantu, Ilha de Jaco ne’e área turista ne’ebé kapas no furak iha Munisípiu Lautém, Postu Administrativu Tutuala, no illeu Jaku mós fátin ne’ebé maka iha animal oioin de’it hanesan Bibi Rusa, Manu, Mate Klamar no Ikan sira iha tasi saí hanesan riku soin ba Timor-Leste, iha riku soin barak no furak ne’ebé bele atrai turista iternasionál no lokál hodi vizita ba sentru turízmu Jaku nia furak, tanbá Jaku saí fátin beleza no iha Timor-leste no potensialidade ba dezenvolvimentu kapitál nia ba aspeitu krusiál komúm nian.

Iha tempu ne'ebé maka vijitantes sira ba iha fátin refere, husi ne'e vijitantes sira seí hetan istória lolos relasiona Illeu refere, Animal Fuik, biodiversidade tasi nain no seluk tan, iha fátin turísmu ne’e seí enfrenta hela dezafiu komúm balun tanbá seída’uk iha transporte ne’ebé mak di’ak, hodi fasilita vijitantes sira to'o iha illeu refere, no ftin refere, iha fátin ne’e mós seida’uk iha guarda seguransa atu halo observasaun ba ilheu refere.

Nia Salienta, Espera oportunidade ba futuru seí fó benefísiu boot no bele dezenvolve ita nia nasaun liu hosi turizmu ne’ebé ita riku no moris hela, tanbá iha ita nia konstituisaun RDTL artigu 140 hateten katak “Estadu presiza promove investimentu nasionais no kria kondisaun sira nune’e atrai investimentus estranjeiru sira” Presiza defini no konsideradu ba lei no normas hotu ne'ebé deskreve ona iha ita nia nasaun relasiona ho turizmu ne'e rasik.

Nia Tenik, Kona-bá dezenvolvimentu ne’e importante liu mak kreximentu ne’e eziste, ida ne’e mak kondisaun ne’ebé favorável, prevaleza, koerénsia no situasaun ne’ebé permite duni ba povu, no ita konsidera nu’udár dezenvolvimentu tambá melloria vida moris komunidade nian iha dimensaun hot-hotu iha nasaun ida ne'e, espasu dezenvolvimentu nian, dezenvolvimentu turízmu ne’e prosesu mudansa ba aspeitu hot-hotu ne’ebé di’ak ba povu nia, bem estar iha nasaun ki'ik ida ne'e.

Entertantu ita foka kona-bá dezenvolvimentu turizmu iha kontestu Timor-Leste nian tenki iha korajen no moral ne’ebé di’ak, no los hosi ukun na’in sira, liu-liu ba Ministériu relevate sira hotu no ba parte Ministériu Turizmu konsiente hakarak ita nia turízmu atu saí boot no moris iha futuru maka halo sustentabilidade ba komunidade ho efetividade no trasparánsia ba krusiál komúm nian tuir artigu 139° ne'ebé deklara ona iha aliña 3 dehan 'aproveitamente rekursu naturál sira tenke haree didi’ak mós ba ekilíbriu ekolójiku no sees hosi destruisaun ba ekosistema sira,” Dehan Antero.

Tanbá ne’e, iha responsabilidade dever no morál nu'udar Governu, presiza enkoraja no atrai turista sira bainhra de’it sira hala"o viajen ba ita-nia fátin turízmu sira hotu, karik ita defini katak, ezisténsia turista sira ne'e mós nu’udár xavi ida ba dezenvolvimentu ekonómnia nasionál nian, nune'e presiza halo medidas no alternativu ida ne’ebé fasil.

Nune’e Antero hakarak atu rekomenda ba Ministériu Turízmu Komérsiu no Indústria no Ministériu relavante sira seluk no Estadu Timor-Leste iha potensialidade boot ba área turízmu nian ne'ebé saí hanesan alternativu no meus ida ba iha dimensaun dezenvolvimentu nasaun nian, hahú hosi rejionál to'o mai iha nasionál, presiza halo manutensaun no reabilitasaun ba área turísmu tomák iha Timor-Leste.

“Importante mós Estadu presiza halo kooperasaun koletivu ho Ministériu Turízmu nian, hodi mantein halo prezervasaun no konservasaun iha área turízmu sira hotu, hodi bele kualifika ezisténsia hosi área turízmu sira no garantia hosi vijitantes sira hosi domestika no la’os doméstika,” Afirma nia. (BT)