DÍLI----Deputada CNRT, Veneranda Lemos, Hatete, Bankada Opozisaun Congresu Nasional da Reconstrusaun Timorense (CNRT) husu Governu halo klarifkasaun ba orsamentu ne’ebe mak uza hodi ba partisipa iha expo Dubai.

“Uluk tau osan Expo Dubai ema reklama barak los, maibé agora osan ne’e lato’o favor ida fó esplikasun ba ida ne’e no artista sira hakarak rona tanba sá mak hasai fali sira-nia direitu tanba sira ba mós lori Timor-nia naran,” Hateten Bankada Oposisaun CNRT deputada Veneralda Lemos iha Sala Plenaria PN, Tersa (05/10)

Nia hatutan, Hanesan Timoroan hakarak kontinua husu prosesu Timor Leste partisipa iha Expo dubai too ne’ebe ona tanba too agora informasuan lubuk ida ne’ebé simu husi artista no dansarina hamutuk na’in-51sira halo treinamentu governu lafasilita.

“Ha’u hakarak husu ba Governu de faktu, konaba Expo Dubai ninia prosessu ne’e too ona iha ne’ebé tanba iha informasuan lubuk ida ne’ebé mak ha’u simu direitamente husi ita-nia artista nasionais sira ne’ebé selektivu atu halo animasaun iha Dubai iha Jogu Expo ne’e rasik, sira hamutuk nain-51 konpostu husi Kantores nomós dansarinas sira, tuir informasaun katak durante fulan 2 nia laran ne’ebé sira halo treinu Governu lafasilita buat ida ba sira, maibé sira ko’alia Governu Promete katak atu fó fasilidade ba sira durante sira ninia treinu hanesa transporte hahan no seluk tan,” Dehan nia.

Nia dehan, Sira sei aranka ba Dubai iha loron 14 agora, maibé akontese ba sira too ohin loron bilete de’it mós seidauk iha, sira ba halo oinsa mós Governu la klareza ba sira no dehan katak sira sei hetan perdiam inklui bilete, maibé ikus sira rona fali katka Governu sei ko’a sira nia osan 60% sira sei hetan de’it 40%, tanba Perdiam ne’ebé mak sira hetan sei ko’a fali ba sira-nia bilete no enkontru anterior la hanesan ida ne’e.

Nia relata, Responsavel ida ne’ebé hanesan projek menajer lakonsege atu halibur no fó informasaun klaru ba ita nia artista sira ne’e, maibé nia ba uluk tiha ona Dubai, artistas sira ba iha Ne’ebá mós artista balun ne’ebé husu atu buat fali krik tenke klarifika ba sira.

“Andamentu Expo Dubai nian, Orsamentu aprova boot teb-tebs, tanba saida mak halo fali Tratamentu hanesan ne’e ba artista nasionáis sira, no Komisaun Organizadora hatete ba sira katak ba iha ne’ebá labele kanta tetun, maibé tenke kanta Inglesh entaun musika tetun sira halo hotu tradusaun ba inglesh,” Salienta nia. (BT)