DÍLI----Direktor Eskola Baziku Filial (EBF) Bidau Masaur, José Gusmão, Hatete, EBF Bidau Masaur seidauk simu orientasaun husi governu bainhira atu ezame ba periodu daruak no estudante total agora dadaun hamutuk-564 ne’e kada nivel no turma fahe tiha ba alunus ba 24 turma, tanba moras Covid-19 tenke fahe tiha.

“Ami la simu orientasaun husi governu bainhira mak atu tuir ezame ba Segundu periodu, to’o agora ami seidauk simu, estudante total hamutuk agora dadaun ne’e iha 564, ne’e kada nivel no turma, tanba Covid-19 ne’e mak halo ami fahe tiha alunus ne’e ba 24 kada turma,” Hateten Direktor EBF Bidau Masaur, José Gusmão ba jornalista BT iha eskola EBF Bidau Masau Dili, Tersa (05/10).

Nia hatutan, EBF Bidau Masaur ne’e hahu reativa fila fali iha loron 20 setembru, depois kona ba prova segundu preriodu ne’e ba ami EBF Bidau Masau ne’e la halo, anunsia sira ne’ebé ensinu baziku mós iha setimu anu oitavu anu ba leten, tanba ami simu ona orientasaun durante eskola hanesan iha fulan jullu mós komesa fila fali, maibé para tiha fali.

EBF Bidau Masau komesa fali iha fulan setembru ne’e, husi direkor eskolar mak fó kedas orientasaun diretamente ba profesores sira, turma ida-idak sira hanorin hotu iha planu ba aula ida ho nia konteudus atu remata halo kedas avaliasaun katak, sira hasa’i kedas valor husi labarik sira nian segundu periodu ne’e ami la halo.

Antes ne’e la to’o 24 turma, tanba moras covid-19 ne’e mak halo fahe tiha alunus ne’e ba 24 turmas, antes ne’e moras ne’e seidauk iha la to’o 24 turmas, tanba kada nivel ami fahe ba turma ha’at, ne’ebé alunus ne’e la’o ema nain 30, entre turma balun mak iha nain-27-26, bo’ot liu mak nain-27 ona. “Restu labele halo to’o, tanba karteira iha ne’e labarik ida tu’ur karteira ida, uluk ne’e iha de’it 16 turmas de’it, tanba covid-19 ne’e atu priense kriteria hodi bele reativa fila fali, entaun fahe tiha ba 24 turma katak, kada nivel iha kuatru turmas,” Informa nia. (BT)