DíLI----Diretor Eskola Basiku Filial Bidau Masaur, José Gusmão, Hatete, Relasiona ho Governu aprova vasina Pfizer ba labarik menoridade tinan 12-17, ohin loron eskola EBF Bidau Masaur seidauk autoriza fo vasina tanba sei diskute ho Inan-Aman hodi oinsa fo informasaun klaru ba sira, mezmu husi eskola professor sira hasai dadus ona ba alunus tinan 12 maibe labarik sira seidauk simu vasina.

“Ami husi eskola EBF Bidau Masaur ida ne’e hasai dadus na ba alunus 12 anus ba leten maibe ami mos planu atu vasina Pifazer ba estudante sira husi tinan-12 ne’e presiza halo enkontru ida ho inan-aman para fo informasaun klaru, inan-aman mos bele fo informasaun ba ami klaru para labele iha konfuzaun,” Hatete Diretor EBF Bidau Masau, José Gusmão, ba jornalista BT iha nia knar fatin EBF Bidau Masau Díli, Tersa (05/10).

Maske estudante sira sedauk vasina, maibé estudante husi Eskola ida ne’e sira kontinua tuir protokolu saúde, tanba moras ne’ebé mak iha ne’e ita hotu tauk nune’e husi eskola ida ne’e kotinua tuir protokolu saíde hanesan fase liman uza masker, tur mos distansia atu nune’e prevene moras. “Se ami mak latuir protokolu saude entaun eskola ida ne’e labele halo reativasaun no iha karta reativasaun ne’e eskola ida ne’e numeru-1 kedas, tanba sira mai hare katak iha buat ruma mak ami sei konfirma fali ba sira,” Katak Nia.

Nia esplika, Iha planu hela katak estudante husi eskola ida ne’e Estudante 12 anus tenki vasina Pfizer no dadus ne’e haruka tiha no sei aranza fali tempu para hasoru malu fali ho inan-aman sira ne’ebé labarik kompleta 12 anus. Depois iha eskola ida ne’e estudante 12 anus ba leten ne’e bele dehan latoo 100 ida, tanba estudante sira ne’e balun 12 anus mai kraik hotu kedas. (BT)