DÍLI----Deputada Fernanda Lay, Hatete, Relasiona sedementus ho Metrolojia ne’ebé fó sai katak Timor-Leste kada tina sempre hasoru Dezastre naturais, Bankada Oposisaun partidu Congressu Nasional da Reconstrusaun Timorense (CNRT) husu Ministeriu Agrikultura no Peska (MAP) atu oinsa atensaun ba Floresta no Meiu ambiente nomos prepara-an ona antes bainhira tempu udan labele lori tan dezastre mai hodi estragu meiu ambiente sira.

“Relasiona ho Primeiru Ministru (PM) alerta iha uma fukun PN katak mudansa klimatika ho Metrolojia Global, hamos sedimentasaun iha mota sira iha Díli no munisipiu liga ho sedimentasaun,” Hateten Deputada CNRT, Fernanda Lay liuhusi Intervensaun iha sala Plenaria PN, Segunda (04/10).

Nia hatutan, Bankda CNRT husu MAP toma konta ba Meiu Ambiente tanba lei política nacional do Meio Ambiente - Lei 6938/81 | Lei nº 6.938, de 31 de agosto de 1981 implementa kontráriu tanba ema ba sosa mak foin selu multa, maibé ida ta’a iha ai-laran la selu multa.

“Ha’u hakarak foti iha ne’e Ministeriu Agrilkultura No Peskas (MAP) laos atu hare’e de’it ba Ministeriu Agrikultura no Peskas, maibé Floresta se mak toma konta, ai sunu ema ta’a nafatin, no lei implementa kontrariu ema ba sosa mak selu multa, ida ta’a iha ailaran la selu multa, ha’u kompreinda katak sira ta’a ai hodi buka moris maibé ita tenke kuda fila fali, enkrasadu liu mak Uniaun Europeia promove protesaun sensibilidade meiu ambiente ita ta’a haluha ida ne’e mak komplikadu boot,” Katak nia.

Nia dehan, Papel Ministeriu Agrikultura No Peskas (MAP) tau matan ba Floresta ne’e iha ne’ebé? Ha’u Hanoin Ministru iha komsellu Ministru tenke ko’alia ne’e liga ho dezastre naturais tanba Fehuk Tasi dalabarak ita ba hamoss hotu hodi kuda fali batar ho Nú, no ita estraga Meiu Ambiente. “Ha’u lembra katak Meiu Ambiente fó hatene ona, se mak sensibilizasaun ne’e ba publiku, ha’u hanoin ita tenke hamos ita nia meiu ambiente, prepara-an atu dezastre naturais bele mai antes tempu udan, laos tempu udan mak ita lufa lafu malu,” Afirma nia.

Enkuantu, Deputadu CNRT, Marcus Xavier, Hatutan, VIII Governu atu hare’e ba kestaun sira ne’e duke kada tina aprova osan boot maibé nia rezultadu laiha, probelema ne’ebé mak iha Sidade Díli hasoru mak Loja na’in sira iha Díli laran Soe foer no fakar bee ba fali estrada, ida ne’e sai sei hamosu sedimentasaun iha sidade Dili.

“Ha’u hanoin husu ba ministru Liu-liu ba VIII Governu atu hare’e ba buat sira ne’e, selae, ita tina-tinan ita aprova osan bobot maibé ita la iha Opiniaun kontinuasaun, entaun ita hasai osan barak nia rezultadu ne’e laiha,” Haktuir Deputadu CNRT, Marcus Xavier. Maske Ita hotu hela iha Díli, sidade Díli maibé ita nota katak agora loja barak iha Díli Laran ne’e sira nia bee foer ne’e sira soe fali mai Estrada, kade ba Ministru Obras Publika ho Autoridade Munisipiu tenke hare’e ba sasan sira ki’ik ona sira ne’e.

“Se bee ne’e ita soe ba estrada ne’e nia impaktu ne’e halo estrada sai aat, fundasaun Autoridade Munsipiu ho Ministerius Obras Publika(MOP) ne’e halo saida, ita hakarak buat ki’ik ne’e nia impaktu ne’e sai tiha boot,” Afirma Deputadu, Marcus Xavier. (BT)