DÍLI----Gestor Programa Forum Organizasaun Naun Governmental Timor-Leste (FONGTIL) Lorenco Tito, Hatete, FONTIL kontinua halo advokasia liuhusi enkorja membru ONG hodi oinsa halo monitorizasaun ba vasina iha teritoriu tomak atu asegura kualidade, hasa’e taxa partisipasaun hanesan meius hodi kontribui ba prevensaun Covid-19.

“Forum ONG Timor-Leste kontinua halo advokasia iha liu husi enkoraja Membru ONG sira hodi kontinua halo monitorizasaun ba vasina iha Territoriu Tomak atu asegura iha kualidade, efikasia no inkluisivu ba retroasaun prestasaun servisu asegura komunidade ninia direitu hodi asesu ba informasaun, hasa’e taxa partisipasaun vasina hanesan meius ida hodi kontribui ba prevensaun Covid-19 iha Timor-Leste,” Hatete Gestor programa FONGTIL Lorenco Tito ba jornalista sira iha salaun FONGTIL Kaikoli Dili, Segunda (20/09).

Nia hatutan, Dadus sira ne’e rekolla liu husi forum ONG Timor-Leste sira ne’ebé halo vizita direta ba fatin vasinasaun hodi hare’e no analiza situasaun atual ne’ebé akontese durante no depois vasinasaun nomós atendimentu husi pesóal saúde atu asegura responde objetivu vasinasaun nian. Iha loron 13-17 fulan setembru 2021 membru FONGTIL hamutuk-18 halo monitorizasaun ba iha munisipiu sira mak hanesan Lautem, Aileu, Bobonaru, Likisa, Ermera, Baukau, Vikeke, Manatutu, Dili, Ainaru no Kovalima ne’ebé mak kobre ba fasilidade saúde ho sentru saúde hamutuk 36.

Tuir mai sei aprezenta mós kona ba partisipasaun Saúde jeral, iha ne’e deskobre katak, iha periodu semana 13-17 iha partispasaun maka’as tebes husi fatin monitorizasaun hamutuk 34 mak ekipa balun monitorin deskobre membru komunidade total hamutuk 5036 mak partispa iha vasinasaun.

Nia haktuir, Rezultadu monitorizasaun ba iha fatin vasina iha munisipiu hamutuk-11 hatudu katak, taxa partisipasaun bo’ot liu mak munisipiu Dili ne’ebé priense nia persentajen 38%, tuir fali mai Likisa 14%, Kovalima 13%, enkuantu munisipiu seluk semana ne’e taxa partisipasaun ki’ik liu kompara ho semana kotuk nian.

Numeru komunidade ba vasina iha doze daruak barak liu, ida ne’e akontese iha Munisipiu Dili, Bobonaru, Baukau, Vikeke, Kovalima no Lautem kompara ho sira ne’ebé mak simu vasina dahuluk, iha munisipiu hanesan Ermera, Likisa, Ainaru doze primeiru ne’ebé sae maka’as liu. Tuir mai sei aprezenta mós kona ba partisipasaun Feto, mane ho difisiensia, husi rezultadu monitorizasaun ne’e deskobre katak, iha grafiku partisipasaun feto no mane ho difisiensia hatudu nomor ne’ebé mak la iha diferente, tantu vasina doze primeiru no daruak, jeral partisipasaun Feto tun liu kompara ho partisipasaun mane sira.

“Semana ne’e partispasaun barak liu mak munisipiu Likisa no Lautem, nune’e iha Likisa prense 368 ho persentajen 35% feto husi total populasaun mak tuir vasina, 51% husi husi total feto mak partisipa durante iha loron 13-17 kobre iha fatin monitorizasaun 36,” Relata nia.

Nia salienta, Iha sorin seluk partisipasaun ema ho difisensia hamutuk-10 mak partisipa iha arisan liliu iha Vikeke, Dili, Aileu ne’e hatudu katak, indikasaun pozitivu maske nune’e presija fó atensaun ba nafatin liliu ba munisipiu seluk.

“Konkulazaun no rekomendasaun ida iha sentru saúde railaku no suku matata atendimentu iha fatin ne’e lao nafatin, maibé partisipasaun komunidade mak menus, tanba fó informasaun ne’ebé mak espalla katak, ema ne’ebé simu ona vasina doze daruak sei la livre hodi halo movimentu ba mai, perguntas hanesan ne’e mai iha sentru vera-kruz, sentru sira iha munisipiu sira seluk,” relata nia.

Nia subliña, Rua iha fatin lubuk ida inklui sentru saúde kailaku suku miligu komunidade sira aprezenta katak sira hakarak vasina, tanba halo movimentu livre kona ba importansia husi vasina ba saúde ema balun komprende no balun seidauk. (BT)