DÍLI----Koordenadór Grupu Kreativu Labadain, Julião Gomes Guterres, Governu liu husi Ministeriu Turimzu Komersiu no Indusria (MTCI) aloka orsamentu rihun $16.150 hodi oinsa dezenvolve area Wee Lulik Manas Waimori Tula, iha Munisipiu Vikeke.

“Ho orsamentu refere Primeiru Icon ba Bee manas ninian no barajem Fatin Swas nian, no halo fatin daan manutolun ninian ho tan spot selfi haat ka lima, inklui mós baraka tradisionál balun ne’ebé mak ami prepara bazeia ba planu,” Hateten Koordenadór Grupu Kreativu Labadain, Julião Gomes Guterres ba Jornalista BT, Iha Resintus Turizmu, Farol, Sexta (17/09)

Koordenador grupu hatutan, Orsamentu mós la transfere dala ida maibé sisitema trasnferensia 40% depois sei halo avaliasaun no monitorizasaun karik atividade mak sira foin transfere tan 60%, ida ne’e mak ami-nia planu.

Nia dehan, Programa MTCI tama iha ne’ebá ami husi Grupu Labadain Kreativu Ba Dezenvolvimentu, Ami mós halo uluk spot self, kada loron vizitante sira tama ami mós hetan retornu balun husi spot self refere, entaun bainhira iha mudansa refere, MCTI nia ajuda hanoin bele aumenta tan kuanesimentu osan ninian.

“MCTI nia ajuda ida ne’e ha’u hanoin bele aumenta tan kuanesimentu osan ninian, liu-liu ba sustentablidade ba komunidade sira ne’ebé mak hela besik iha ne’ebá tanba bee manas ne’e moris mai orijem, ita bele dehan bee ne’e nia temperatura ne’e maka’as teb-tebs, no iha insiativa husi grupu refere ne’e iha hanoin atu dezenvolve wee manas tanba bee ne’e orijinalidade husi tempu kedan mai no bee manas ne’e nia funsaun laos atu swasa de’it maibé mós bele kura moras isin katar sira no seluk tan,” Afirma nia.

Nia dehan tan, Primeiru bee manas ne’e laos atu Swas de’it maibé kura mós moras hanesan kaspa, hena mutin, kaskadu, entaun ita hare’e iha ninian vantajem ne’e mak halo atrai ami, no kada fim de semana vijitante ba brak hela de’it entaun ami, laos atu modifika bee Manas maibé aproveita modifika de’it atu ita bele hetan rendimentu husi Vijitante sira. (BT)