DÍLI----Ministru Turizmu Komersiu no Industria (MTCI) Jose Lucas Do Carmo da Silva, Hatete, Ohin MTCI Asina Memorandung of Understanding (MoU) ho suku lima ba programa pilotu Turizmu komunitaria atu oinsa dezemvolve iha Suku Lima refere.

“Primeiru MTCI hakarak atu kongratula ba ekipa Turizmu komunitáriu nian servisu mesak ne’ebé servisu ho ita-nia ekipa konsellu konsultivu, nune’e mós ekipa traballu iha suku pilotu,” Hateten Ministru Turizmu Komersiu Industria (MTCI) Jose Lucas Do Carmo da Silva ba Jornalista sira iha salaun Turizmu, Farol, Sexta (17/09)

Nia hatutan, Konaba orsamentu ne’ebé atu aloka ba pilotu lima ba program turizmu komunitariu ne’ebé mak asina akordu, Wailili. $100.20,Waimori %16.150, Seloi $ 49.900, Maubise Villa $41.70, Nuno-Moge nian $30.230 ho totál $237.550 dolar Amerikanu, orsamentu refere sei Transfere uluk 40%.

Nia dehan, Objektivu MTCI asina nota mak ne’e suku lima hanesan Suku Maubise Postu Administrativu Ainaru Villa, Munisipiu Ainaro, Suku Nunu-Moge iha Munisipiu Ainaru, Suku Seloi iha Munisipiu Aileu, Suku Waimori iha Munisipiu Vikeke no suku Wailili iha Munsipiu Baucau. Nune’e fatin sira ne’e importante iha turizmu particular ka Turizmu komunitariu atu oinsa empoderamentu ba ita-nia povu, sentru ba ita-nia atensaun mak ida ne’e oinsa ita tau ita-nia povu no ema ne’e senti nia dezemvolvimentu.

“Empodera uluk hanesan bu’at ne’ebé durante ita halo ona, haforsa uluk, hariku uluk, fó hatene uluk saida mak atu halo, interese saida no identifika ba tau proposta, tanba desde na’in sira hatene didiak saida mak sira halo ida ne’e mak ita-nia konfiansa katak sustentabilidade ne’e hahu husi oitoan ne’e,” Afirma nia.

Nia Relata, Governu atu to’o iha ne’ebé governante sira mak troka, maibé programa hanesan, kada timorense ne’ebé tama mai nia iha insiativa kriatividade atu halo melloramentu, tanba ne’e agora dadaun ita iha hela kestaun ida ne’e seriu katak ita impodera uluk maluk sira iha nivel komunidade atu sira impede di’ak saida mak sira hakarak agora no ba oin.

Iha sorin seluk, representante Kordenador Grupu Kreativu Seloi Haut Anan, Jeremias Da Costa, agradese ba Minsteriu Trusimu ba asina akordu ba programa Turizmu Komunitária ba suku sira.

“Ha’u agradese tebes ba Ministeriu Turizmu Komersiu no Industria tanba povu iha baze halerik husi tinan ne’ebé naruk nia laran, maibé iha governu dawalu ida ne’e nia prezensa bele hili suku sira ne’e sai hanesan suku pilotu atu nune’e bele komunidade bele senti katak, dezenvolvimentu iha rai ida ne’e husi husi duni baze,” Haktuir representante Koodenador Grupu Kreativu Seloi Haut Anan, Jeremias Da Costa.

Nia Informa, Timor Leste atu lori dezenvolvimentu ida ema hotu nia moris di’ak ne’e tenki presija sakrifika-an hodi hasoru dezafiu tomak ne’ebé mak iha, atu dehan de’it katak dezafiu la’os atu dezemiña programa ne’e, dezafiu ne’e rasik sai hanesan oportunidade oinsa bele dezenvolve-an di’ak liu tan iha futuru. (BT)