DÍLI----Autoridade Nasional do Petroleum no Minerais (ANPM) asina Nota de Entedenmentu ka Memorandum of Understanding (MoU) ho empreza Petrolifeira Australiana Santos, konabá projeitu kaptura no armazena (Rai) Karbono (Carbon Capture and Storage -CCS) iha kampo Bayu-Undan wainhira produsaun hotu.

Tuir Presidente ANPM, Florentino Soares Ferreita, Hatete, Timor-Leste Asinatura MoU ba CCS entre Santos hanesan pasu importante oinsa ANPM hatur enkuadamentu hodi halo diskusaun ho Santos ba preparasaun Bayu-Undan nian bainhira produsaun hotu no maran, saida mak Timor Leste kaptura no armazena (Rai) Karbono.

“Ida ne’e hanesan pasu importante ba Timor-Leste. Asinatura MoU ba CCS entre Santos ne’ebé reprezenta ninian konsorsiu iha Bayu-Undan ho ANPM prova katak Timor-Leste pro-ativu tebes hodi lidera no integra ninian setór mina no gas liuhusi komprimisiu hodi aselera dekarbonizasaun no atinzi ONU ninian net zero iha tinan 2050.

Mesmu Timor-Leste hanesan país ki’ik-oan no emisaun ki’ik tebes-tebes iha mundo no Akordu Paris (Paris Agreement) fo incentive ou konsesaun ba país ne’ebé dezenvolve hela no menus dezenvolvido sira hanesan Timor-Leste,” Hateten Presidente ANPM, Florentino Soares Ferreita, liuhusi Konferensia Imprensa iha Ministeriu Finansas, Aitarak Laran, Segunda (13/09).

Nia hatutan, Ho asinatura CCS ho kompañia Santos hanesan operador ba Bayu-Undan, sei hare hamutuk ho ANPM kualidade reservatório husi Bayu-Undan hodi rai CO2 no mós explora enkuadramentu tekniku no komersial ba projeitu CCS ne’e rasik wainhira produsaun mina no gas iha Bayu-Undan remata.

Entendimentu atu foka liu oinsa hatur enkuadamentu hodi halo diskusaun ho Santos, nune’e prepara Bayu-Undan saida mak bolu kaptura no armazena (Rai) Karbono (Carbon Capture and Storage) ne’ebe hatudu ba Timor Leste oinsa halo sustentabilidade ba industria petrolifeira Timor Leste. “Ami hatene katak negosiu karbaun no kreditu karbaun nian merkadu mak parte integradu ida husi ekonomia futuru nian,” Katak Presidente ANPM.

Carbon Capture Storage (CCS) mak Teknolojia atu kaptura no armazena (ka rai) Karbonu (CO2) iha rai laran. Teknolojia ida ne’e konsidera hanesan esforsu ida ne’ebé atu halo hodi reduz emisaun CO2 iha atmosferu nomós CO2 husi kampo gas balun ne’ebé iha konteudu CO2 barak tebes-tebes.

“Hau hein katak projeitu ida ne’e sei benefisia Timor-Leste liuhusi kriasaun empregu, foresee ita ba estadu, oportunidade parseria no transferensia koñesimentu nomós kapasitasaun iha Timor-Leste, particularmente parseria ho Empreza Nasional Petrolífera TIMOR GAP, E.P,” Tenik Presidente ANPM. Projeitu CCS iha kampo Bayu-Undan iha futuru sei fo vantazem bo’ot ba Timor-Leste liuhusi kriasaun empregos, fo receita ba estadu, no oportunidade parseria e ransfrekoñesimentu no kapasitasaun iha Timor-Leste.

“Ida ne’e nudar esforsu ne’ebé ANPM halo atu kontinua fo sustentabilidade ba receitas husi industria petrolífera no integra Timor-Leste nian an iha redusaun CO2 iha mundo. Mesmo sai hanesan país ki’ik-oan ida maibe Timor-Leste bele ona hatudu ba mundu katak Timor-Leste mós bele lidera iha prosesu sira ne’e,” Akresenta Presidente ANPM Florentino Soares Ferreita.

Marka prezensa iha asinatura MoU virtual ida ne’e mak Ministru Petróleo e Minerais (MPM)Víctor da Conceição Soares, CEO Santos, Keving Gallagher, Embaixador Australia iha Timor-Leste Honorario, Peter Roberts, ezekutivu senior ANPM nian. (BT)