DÍLI----Enkaregadu Negosiu Embaixador Estadus Unidus Amerika (EUA), Tom Daley Charge Affairs, Hatete, Ohin USAID fo tulun tan Milaun $1 ba Governu atu oinsa esforsu haklean infomasaun ba komunidade sira hodi bele hamutuk kombate Corona Virus Desease 2019 (COVID-19) iha Timor Leste.

“Ho fundu adisional $1 miliaun dolar amerikanu ne’ebé ohin USAID fo Timor-Leste soma hamutuk osan total ne’ebé estadus unidus fo ba Timor-Leste mak $5 mililoens dolar amerikanu hodi apoiu esforsu governu Timor-Leste nian atu konbate covid-19 iha pais ida ne’e,” Hateten Enkaregadu Negosiu Embaixada EUA, Tom Daley Charge Affairs ba jornalista sira iha salaun Palasiu da Cinza Kaikoli Díli, Segunda (13/09).

Nia hatutan, Ida ne’e parte husi $4 biloens dolar amerikanu ne’ebé governu estadu unidus fornese liu husi inisiativa ba Covax hodi oferese vasina ba pais sira iha mundu tomak.

Nune’e, Estadus Unidus senti orguilu teb-tebes halo parseria ho governu Timor-Leste no esforsu hodi kombate covid-19, tanba iha Timor-Leste nia numeru ba vasinasaun bele dehan katak aas teb-tebes kompara ho nasaun sira seluk nune’e senti orguilu ho vasina ida ne’e, tanba la iha nasaun hotu-hotu ne’ebé halo esforsu diak hanesan Timor-Leste halo ona kona ba vasinasaun.

Nia dehan, Timor-Leste nia nivel numeru vasinasaun bele dehan diak tebes, maibé ida ne’e la signifika katak Timor-Leste atu para deit iha ne’e, maibé tenki kontinua nafatin hasae numeru vasinasaun nian.

Entaun, “Osan $1 miliaun ne’ebé ohin fo ba Timor-Leste ninia objetivu atu ajuda no oferese informasaun ba ema sira ne’ebé sei iha duvida kona ba atu simu vasina ida ne’e bele ajuda hatoo informasaun ne’ebé los atu nune’e ema bele simu vasina, tanba estudu provas sentifiku hatudu ona katak vasina bele ajuda redus sejiridade husi covid-19, entaun $1 miliaun dolar ne’e parte ida husi apoiu ne’ebé atu ajuda kombate covid-19,” Relata nia.

Iha sorin seluk, Ministra Súde (MS) Odete Maria Freita Belo, hatutan, apoiu ne’ebe husi USAID nian ho ida ne’e apoiu ida ne’ebé mak apoiu tutan iha primeiru mezes ne’ebé mak ita hasoru pandemia ida ne’e iha ona apoiu lubuk ida ne’ebé mak ita simu hanesan hadia infraestrutura sira, agora dadauk sira prepara hela ba fulan novembru ita sei simu tan apoiu balun husi sira liliu ba iha fatin asiu iha Baukau ne’ebe mak halo tiha ona.

Nia hatutan, Ninia kontinuasaun mak hanesan agora ita hare hela dadaun uluk ne’e apoiu hanesan emerjensia nian maibé agora ida ne’e ita hare hanesan apoiu ne’ebé mak formal husi sistema ida, tanba ho pandemia ida ne’e ita servisu barak liu ho pilar sira ne’ebé mak dalaruma ita haluan, entaun sira nia intensaun hakarak maske ho pandemia maibé ita labele haluha katak ita-nia sistema ne’e iha fatin.

“Hare ba orsamentu ne’ebé mak ohin ita hotu hare ho lansamentu seremonia ne’ebé ohin ita hare hamutuk sira hakarak atu hare liu ba iha oinsa atu bele haforsa meius organizasaun nian para atu bele halao ita-nia servisu hatan ba iha covid-19 tanba ita la hatene dehan covid-19 ne’e atu hamutuk ho ita ne’e too bainhira,” Haktuir Ministra Súde (MS) Odete Maria Freita Belo.

Nia haktuir, Se karik nia sai hanesan programa ida ba iha Ministeriu Saúde iha futuru ita prontu ona para atu bele hatán, nune’e apoiu ida ne’e hare liu ba ida ne’e no apoiu ida ne’e mos la ses husi apoiu vasina ne’ebé mak sira mos sei oferese ba ita, tanba ita sedauk hatene dehan sira atu apoiu hira, vasina doze hira ba Timor Leste.

“Maibé prontu ita rona katak sira prontu atu apoiu ita vasina P-fizer mai iha ita nia rai ne’ebé mak ita hakarak atu administra ba iha labarik sira husi 12 anus too iha 18 anus ida ne’e mak sira promete maibé ita sedauk hatene,” Informa nia. (BT)