DÍLI----Diretór Jeral Florestas Kafe no Plantas Industrias (FCPI), Raimundo Mau, Hatete, United Nations Development Programme (UNDP) entrega ekipamentu ne’ebé mak uza hodi asesu ba projeitu durante tinan-7 nia laran ba Projetu Ai-Parapa nian ba Governu liu husi Ministeriu Agrikultura no Peskas (MAP).

Ekipamentu sira ne’e entrega hikas ba Governu tanba Projetu Ai-parapa durante tinan-7 ramata ona no ekipamnetus sira ne’e sosa ho osan Projetu nian hanesan, Kamera-3, Monitor-7, Laptop-12, Ipat-2, Drone-2, GPS-8, Projetor-1, Printer-6, Motor-7, Kareta-3.

“Ohin ita hamutuk ba iha entrega ekipamentu no akses sira seluk husi projetu kosta resilensia ninian projetu ne’ebé mak ita hahú iha tinan-7 liuba no ita too ona ba ninia rohan durante projetu ne’e ninian implementasaun iha ekipamentus sira ne’ebé mak sosa ho osan projetu ninian hanesan ekipamentus informasaun teknolojia, motor no kareta ne’ebé mak iha tempu ne’ebá uza hodi implementa projetu ida ne’e,” dehan Diretór Jeral Florestas Kafe no Plantas Industrias (FCPI), Raimundo Mau ba Jornalista sira hafoin simu ekipamentu sirane’e husi UNDP iha resintu UNDP, Kaikoli, Kinta (22/07)

Nia dehan, Bazeia ba konkordansia projetu ninian, wainhira projetu hotu sasan sira ne’e tenke entrega ba iha Governu liuhusi Ministeriu ne’ebé mak toma konta ba parte Prinsipal durante implemetasaun Projetu iha Ministeriu Agrikultura No Peskas ninian. “Sasan sira ne’e ita sei kordena ho Diresaun Jerál Patrimonio Estadu para no mos Diresaun Nasionál Transporte Terestre ninian atu bele kompleta ninian prosesu troka naran antes Governu bele utiliza ba apoiu servisu iha area Flores no Ai-parapa ninian, depois de uza iha $170 mill ital,” Esplika nia.

Nia relata, Ekipamentus hirak ne’e sei ba Ai-parapa sira ne’e iha distritu-7 iha Díli, Likisa. Manatuto, Vikeke, Kovalima, no iha munisipiu sira seluk mak sai alvo ba ai-parapa no ekipamentus sira sei entrega ba Ita-nia ofisial sira hodi utilize transporte sira ne’e no ekipamentu seluk hodi kontrola ba Ai-parapa sira ne’e.

Iha sorin seluk, Reprezentante United Nations Development Programme (UNDP), Lazima Onta-Bhatta, hatutan, Ekipamentus sira ne’e mesak kondisaun di’ak, tanba hetan ona kontrolu husi tekniku UNDP. “Akset sira ne’ebé mak entrega ba Govenru ne’e kondisaun di’ak hotu no UNDP asegura ona katak asset sira ne’e funsiona hela atu bele entrega ba MAP,” Haktuir Reprezentante United Nations Development Programme UNDP, Sra. Lazima Onta-Bhatta. (BT)