DÍLI----Ministru Edukasaun Joventude no Desportu (MEJD) Armindo Maia informa, Ohin Serimonia abertura Programa Estajiu ba Formadus Nain-2.500 ital ne’ebé durante tinan tolu tuir Formasaun Profesores, Ministeriu Edukasaun Jovntude no Desportu Hamutuk ho Universidade Nasionál Timor Lorosa’e (UNTL) halo Formasaun ba Munisipiu hotu.

“Ohin serimonia kona ba abertura programa estajiu ba ita-nia formandus serka 2.500 ital ne’ebé durante tinan tolu resin sira tuir formasaun profesores ne’ebé MEJD hamutuk ho UNTL halo formasaun iha munisipiu sira hotu durante tinan tolu ho balun,” Hatete MEJD Armindo Maia ba Jornalista sira iha Salaun INFORDEPE Balide Dili, Kinta (22/07).

Nia hatutan, Formandu sira tuir formasaun tiha ona, ohin tama feze ida estajiu durante fula tolu katak sira komesa atu tun terenu hodi hanorin estudante sira no la’os primeira veze atu hanorin, maibé durante ne’e hanorin nanis ona ida ne’e parte husi programa estajiu nian.

“Tinan tolu ho balun sira tuir formasaun tiha ona, ohin tama fali faze ida estajiu durante fulan tolu katak sira tun ba terenu hodi hanorin, sira ne’e la’os foin primmeira vez hanorin, maibé durante ne’e hanorin nanis ona no ida ne’e parte ida husi programa estajiu nian sira tenki iha eskola sira durante fulan tolu nia laran hanesan pratikam,” dehan nia.

Nia dehan, Formandu sira ne’e hanorin de’it iha Primeiru Siklu no Segundu siklu, terseiru siklu la iha, sira hanorin iha eskola bara-barak iha Munisipiu hotu. Entertantu, Iha sorin seluk, Magnefiku Reitor Universidade Nasionál Timor Lorosa’e (UNTL) S. João Martins, Hatutan, Loron ohin importante tebes marka tan historia ba Universidade Nasionál Timor Lorosa’e (UNTL) ba profesores sira no ba Ministeriu Edukasaun Joventude no Desportu (MEJD), tanba iha tan formasaun ba formadores sira ne’ebé mak liu husi kooperasaun entre UNTL, INFORDEPE no MEJD halo formasaun ba profesores sira parte ida atu kumpri reiolojimika ba profesores.

“Ha’u hanoin importantes tebes, Servi mós ba ojektivu katak edukasaun mós importante no la hare’e ba ita-nia idade, ohin ha’u hare’e formandu sira iha balun diskuta balun depois gradua sira tama kedas ba pensaun, iha edukasaun ita la konese mós pensaun ka pension, sempre estuda hela de’it, sira ne’ebé mak atu tama ba pensaun ka pensiun nian labele triste, mezmu ita bo’ot sira hela iha uma maibé hanorin nafatin no ha’u fi’ar katak estudante barak teb-tebes, tanba Ha’u hanoin hanesan UNTL ami orgullu tebes, tanba alende simu agradesimentu husi prezidenti INFORDEPE ne’ebé agradese tanba hetan konfiansa husi governu atu bele oferese sai formador kontribui ba prosesu formasaun ida ne’e,” Hatutan Magnefiku reitor UNTL João S. Martins liu husi nia deskursu.

Nia haktuir, Ida ne’e hanesan fiar ida ne’ebé husi Governu tau ba UNTL hanesan uniku iha Administrasaun Publiku iha nasaun ida ne’e no ami simu mak ohin ne’e ita hotu hamutuk halo abertura ba estajiu pontu ida ke importante tebes iha vida profesores sira nian. (BT)