DÍLI----Diretor Asosiasaun Halibur Difisiensia Matan Timor-Leste (AHDMTL), Gaspar Afonso, Informa, AHDMTL lamenta ho atendimentu Saude nian tanba bazeia ba ema ho defisiensia balun hetan pozitivu ba corona virus desease 2019 (COVID-19) iha foin lalais ne’e, maibe Ministeiru Saúde liuhusi ninia profesionais saude balun halo atendimentu kleur, sai lentu no deskriminativu.

“Ami ohin mai hasoru malu ho Prezidente Parlamentu Nasionál (PPN) Aniceto Guterres hodi ko’alia kona-ba pandemia Covid-19 liliu atendimentu Ministeiru Saúde ninian ba ema ho Difisiensia tanba ita bo’ot sira hatene katak, ami iha na’in hitu, na’in walu ne’ebé afeta Covid-19, maibé Saúde nia atendementu ne’e lentu no deskriminativu,” Hatete Asosiasaun Halibur Difisiensia Matan Timor-Leste (AHDMTL), Gaspar Afonso ba jornalista sira iha PN, kuarta (21/07).

Nia hatuan, Komisaun Organizasaun Difisensia Matan nomos administrasaun sira seluk, ami mai hato’o ami-nia lamensões sira ne’e, ami preokupasaun sira ba Parezidente Parlamentu Nasionál hanesan representante povu ba segundu lider rai ida ne’e.

Nune’e, Atu fó hanoin, atu fó rekomendasaun balun ba Ministeiru Saúde no Primeiru Ministru, atu orienta ba Ministeiru Saúde no Sentru Gestaun Krize atu haree situasaun ne’e, tanba moras ne’e perigu da’et lalais entaun atendementu ne’e mós tenki rapidu igual labele deskriminativu hanesan ne’e.

“Tanba ne’e ami mai fó hanoin ba Prezidente Parlamentu Nasionál hanesan segundu lider ba rai ida ne’e, fó hanoin mós ba Ministeiru Saúde no Primeiru Ministru, Prezidente Parlamentu Nasionál promete katak sei halo karta ida ba PM no segunda agora iha konsellu estadu, atu fó hanoin verval mós ba Ministra Saúde,”Dehan nia.

Nia dehan, Dekriminativu ne’e mak ami-nia ema afeta Covid-19, teste ami-nia ema hetan pozitivu maibé la atendimentu ba ami-nia ema igual no adekuadu tanba ne’e mak ami hanesan difisensia ami sente ne’e hanesan diskriminativu ida ba ami, se kuandu moras ne’e risku duni, se kuandu la mai atende entaun bele da’et ba ema sira seluk, viziñu no família sira seluk.

“Tanba ne’e mak ami mai fó hatene atu Parlamentu Nasional ho membru deputadu sira hotu-hotu iha ne’e, tenki hatene katak ko’alia tenki bazeia ba nessesidade povu ninia, ema ho Difisiensia mil 38.118 difisiensia matan iha mil 14.820 ne’e la’os ema oituan, vuneravel ka risku husi ema vuniravel ka ema ho difisiensia sira tanba ne’e mak mai fó hanoin ba PPN.” Afirma nia.

Nia haktuir, Covid-19 ne’ebé afeta difesiensia matan iha Manleu-ana, Asosiasaun Halibur Difisiensia Matan Timor-Leste (AHDMTL) ninia membru ne’ebé mak akontese ida ne’e, ne’e ami faktus, ami iha dadus, ami la mai ko’alia bu’at arbiru, la mai enkontru, la mai hato’o preukusaun arbiru, tanba ami hasoru ne’e mak ami ko’alia.

“Sira iha Díli de’it mós sai tiha ona hanesan ne’e satan sira iha area rural sira ne’ebá iha foho sira, ne’e ema la preukupa liu, ema la tau atensaun liu, tanba ne’e mak ami hakarak husu ba PPN no membru deputadu sira hotu atu ba situasaun hirak ne’e,” Informa nia. (BT)