DÍLI----Deputada, Domingas Dos Santos no Vise-Sekretariadu Bankada PUDD-Deputadu António De Sá Benevides, eleitu núdar Sekretaria komisaun Meza Permanente iha uma fukun Parlamentu Nasional durante mandatu fulan rua (2). Iha votasaun ba Membru permanente na’in-2, votus abstensaun=4, Kontra=1, Afavor=23.

Tuir Deputadu Joaquim Dos Santos, Informa katak, Hanesan deputadu simu lamentasoens ida kona ba subsidiu estudante nian ne’ebe mak Parlamentu Nasional aprova tiha ona maibe to’o agora Ministério Financas no Ministério Ensinu Superior seidauk ezekuta hela deit. “Ha'u iha preokupasaun ida ba komisaun meza permanente atu hatoo ba Ministério Finanças no MESSK, konaba subsídio né'ebe mak ita aprova ba estudante sira, ha'u simu lamentasaun desde husi inisiu tanba osan ita aprova seidauk ejekuta,” Dehan Deputadu Joaquim Dos Santos Iha Uma Fukun PN, Tersa (20/07)

Nia hatutan, Husu ba komisaun atendimentu ba edukasaun tun hodi halo fiskalizasaun prosesu né'e tanba komprimentu da lei, tanbasa mak lakumpri lei parlamento aprova no mosu lamentasaun bar-barak. “Problema né'e iha ne'ebe Komisaun pertenente interven hela fiskalizasaun atu hatene problema né'e iha né'ebe atu nune'e bele resolve tanba benefisiariu nia direitu seidauk too ba iha sira, karik iha problema presiza buka hatene tanba né'é desisaun sai ba lei no lei tenke kumpri ba benefisiariu sira nia direitu,” Salienta nia.

Enkuantu, Bankada CNRT liuhusi Deputada, Fernanda Lay, hatutan, Hanesan membru Komisaun permanente dúvida ho desizaun meza Parlamentu Nasionál (PN) ne'ebé aplika plenária semanal nian. “Semana ida dala ida. ha'u hanoin meza tenke buka materia saida mak ita mai ko'alia, se ita mai para hein malu de’it, se prezidente ha'u hanoin la dun di'ak tanba hau hare’e ba rejimentu iha artigu 38 to'o 40, koalia kona-ba kompeténsia deputadu nian,” Dehan Deputada, Fernanda Lay.

Nia haktuir, Iha komisaun espesializa permanente sira-nia konstituisaun funsionamentu hanesan mini plenária ida atu rezolve asuntu ne'ebé urjente, liga ho isntituisaun sira seluk ne'ebé laiha resesu hanesan ho PN tanba iha inisiu desta semana ita seidauk halo, forma ita-nia komisaun rasik mós ita iha problema ne'ebé sei prezidente rasik konvoka konsellu administrasaun, GOPAC ho sira seluk mós halo.

Hatan ba Preokupasaun ne'e, Presidente Parlamento Nasional, Aniceto Guterres, Relata katak, Komisaun especializasa labele halo fizkalizasaun, bainhira komisaun permanente funsiona mak bele halo fiskalizasaun. “Durante komisaun permanente funciona komisaun especializada labele ba halo fiskalizasaun, komisaun permanente mak halo, sei iha proposta ruma menbru komisaun permanente tun halo fizkalizasaun tanba depois de Komisaun Permanente funsiona mak halo fizkalizasaun hodi prepara Planu,” Haktuir, nia.

Nia relata tan, PN deside sei aplika regra plenária semanal tanba hatan apoiu husi deputadu sira. “Prezidente rasik konvoka konsellu administrasaun, GOPAC ho sira seluk mós halo tanba hare’e ba kestaun Estadu Emerjénsia (EE) no Pandemia covid-19 ne'ebé akontesse, presiza reduz atividade parlamentar balun,” Informa Prezidente Parlamentu Nasionál (PN), Aniceto Guteres. (BT)