DÍLI----Sekretariu Estadu Joventude no Desportu (SEJD), Abrão Saldanha, Informa, Governu liuhusi SEJD fo fiar ba East Timor Development Agency (ETDA) eskolla joven sira husi sentru joventude sira husi Munisipiu-7 inklui Dili hamutuk-8, fasilita formasaun ne’e ba sira, fundus ne’ebe mak SEJD Fasilita fundus hamutuk $40 mil ital ba formasaun hospitalidade oinsa prepara joven sira tama iha mundu tursimu hanesan oportunidade ba sira hodi iha futuru bele kria empregu ba sira nia an.

“Objetivu husi formasaun ida ne’e mak atu prepera joven sira tama iha mundu turismu nian liliu iha hospitalidade atu sira bele hatene servisu basika turismu nian nune’e bele estimula sira atu bele hare setor turismu ne’e hanesan oportunidade ba vida bele kria empregu ba sira nia an, Tanba ne’e mak ita prepara hela formasaun ida ne’e ita eskolla joven sira husi sentru joventude sira husi munisipiu-7 inklui Dili hamutuk-8 no sira mai ita fo fiar ba East Timor Development Agency (ETDA) no ETDA mak halo formasaun ne’e ba sira no Fundu ne’ebé mak ita atu fasilita ba joven sira mak fundu hamutuk mil $40 ital, hanesan ohin relatoriu sentru joventude nian,” hatete SEJD Abrão Saldañia ba jornlista sira iha salaun ETDA Díli, Segunda (19/07).

Nia hatutan, Situsaun real mak ne’e ita iha populasaun ne’ebé mak iha joven barak liu no governu difini setor produtivu hanesan prioridade ba dezenvolvimentu ekonómiku tanba setor produtivu ne’e ita koalia kona ba turismu, agrikultura, setor primariu ne’e no atu dezemvolve setor ida ne’e prieiza ema iha Skill nomos ita rekoñese katak ita nia foin sae sira barak mak sedauk iha Skill naton ba setor sira liliu hanesan hospitalidade, turismu Skill tekniku sira hanesan tein nian, prepara fatin ne’ebé diak liu Skill sira hanesan ne’e presiza tebes atu ita nia joven sira atu aprende, tekniku sira hanesan ne’e ita presiza joven sira aprende ho ida ne’e mak razaun husi programa ida ne’e atu prepara ita nia rekursu humanu ita nia joven sira atu koñese Skill sira ne’e hodi partisipa iha dezenvolvimentu setor importante ida ne’e.

Nia informa, Area sira ne’e konforme diretor ETDA nian por ezemplu area sira ne’e demanda bot tebes, iha ETDA ne’e iha formasaun ba hospitalidade no ezemplu barista kuandu sira hotu ema foti kedas, iha demanda forti tanba ita iha covid-19 ne’ebé enterompe ita nia atividade ekonomika maibé iha demanda.

Nia haktuir, Ita nia espetativa husi formasaun ida ne’e mos laos deit sira atu ba buka servisu maibé sira bele iha kapasidade kria servisu ba sira nia an liu husi abilidade ne’ebé sira aprende sira bele fila fali ba sira nia munisipiu no sira hare oportunidade ida ne’e iha ne’eba sira bele hahú halo servisu ida ne’e ba ema seluk nune’e sira bele kria rasik servisu ba sira nia an ate sira bele kria servisu ba maluk joven sira. (BT)