DÍLI----Jurista husi Partidu Kmanek Haburas Unidade Nasionál Timor-Oan (KHUNTO) Ismael A. Lopes, Informa, Hanesan militante KHUNTO óras ne’e dau-daun Partidu KHUNTO seida’uk deklara ofisialmente ba públiku atu kandidata, atual Vise Primeira Ministra (V-PM) no Ministra Solidariedade Sosial no Inkluzaun (MSSI) I nomos atual Prezidenti Partidu KHUNTO, Armanda Berta Dos Santos ba Prezidente Repúblika iha periodu 2022 to’o 2027.

“Partidu KHUNTO deklara ona kandidatura maibé seida’uk deklara atu kandidatura maibé ofisialmente hanesan fó saí ba militante partidu KHUNTO iha momentu ne’ebé mak halo inagurasaun ba Sede Nasionál Partidu KHUNTO, ofisialmente deklara internalmente ba kuadrus partidu nian,” Dehan Jurista Ismael A. Lopes hanesan mós militante Partidu Kmanek Haburas Unidade Nasionál Timor-Oan (KHUNTO) liuhusi Konferensia Imprensa (KI), iha rezidensia Prezidenti Partidu KHUNTO Armanda Berta, Manleuana, Sexta (16/07).

Nia hatutan, Iha momentu inaugurasaun Sede Nasionál Partidu KHUNTO informasaun sira ne’ebé mak iha, la’os halo deklarasaun ba públika, tanbá bainhira iha deklara ba públika kuandu CNE no Prezidenti Repúblika deklara ona loron ba rejistu kandidatura ba PR iha periódu 2022 to'o 2027, tanba bazeia ba lei numeru 7/2016 deklara momos katak, não ser iha tiha ona rejistu ne’ebé mak atu ba, karik ba kampaiña mak foin suspende de’it ba kargu ne’ebé mak antes ne’e kandidatura ezerse ba, tanbá ne’e tuir lei numeru-8 artigu-2 numeru-2 dehan ida ne’e, maibé ida ne’e direitu própriu.

Nia dehan, Hanesan militante partidu KHUNTO rejeita totál dehan katak, KHUNTO halo pré-Kampaiña, tanba atributu ida bainhira entrega ona ba ema, ema iha diretu totál uzu ba ne’ebé de’it livre, laiha lei ida atu bandu ida ne’e tanba relasiona ho kamizola Partidu KHUNTO, ne’e própriu ema ida nian, bainhira serimónia hotu, komesa atu rai fila-fali ba partidu ne’ebé mak entrega ba sira, maibé ne’e utiliza ba sira nian.

Nia relatan, Ba situasaun sira ne’ebé mak iha hotu, iha jurista barak no iha politika barak ne’ebe mak deklara katak, tenki rejigna a'an, lei numeru 7/2016 deklara momos katak, não ser iha tiha ona rejistu ne’ebé mak atu ba, karik ba kampañia mak foin suspende de’it ba kargu ne’ebé mak antes ne’e kandidatura ezerse ba, tanbá ne’e tuir lei numeru-8 artigu-2 numeru-2 dehan ida ne’e, maibé ida ne’e direitu própriu.

“Armanda Berta seida’uk deklara ba públiku atu kandidata a'an ba Prezidenti Repúblika, maibé ofisiozamente deklara ba militante partidu KHUNTO atu bele servisu iha baze, nune’e bele prontu ba rekandidata ninia númeru, la’os atu deklara ona ba públiku ne’e seida’uk,” Salienta nia.

Iha sorin seluk, Segundu Jurista militante Partidu KHUNTO, Arnaldo Da Costa Pinto, Haktuir tan, Hanesan Jurista nomós militante Partidu KHUNTO Hato’o lamentasaun liu-liu ba iha Vise-Primeira Ministra no atual Ministra Soliedariedade Sosiál no Inklusaun, Armanda Berta Dos Santos katak, Inkonpatibilidade maibe hanesan Jurista militante Partidu KHUNTO lamenta no la-confortabel no diskorda ba informasaun efetivu sira ne’ebé mak fó saí ona husi Media balun.

“Ita hotu asesu iha Media Sosial, ho ida ne’e mak ha’u hanesan Jurista lamenta no la-confortabel no diskorda ba informasaun efetivu sira ne’ebé mak fó saí ona husi Media balun, tanbá kandidatura Prezidenti Republika ba periódu 2022 to’o 2027 seida’uk eleitu ba Prezidenti Repúblika, tanbá ida ne’e mak nia la inkopativel, bainhira nia eleitu nu’udár Prezidenti Repúblika tenki simu pose ona PR, entaun nia inkopativel nia labele lori tan funsaun no kargu Vise-Primeira Ministra (V-PM) no Ministra Soliedariedade Sosial no Inklusaun (MSSI),” Lamenta nia.

Nia Informa, Tuir enkuadramentu artigu-78 katak, PR não pode ezerser kualker outru kargu polítiku, no funsaun públika a nivel nasionál no inuma kazu funsauna privadu, ne’e siknifika katak, bainhira Armanda Berta eleitu ba PR nia inkopativel tanbá ne'e, laiha dalan konstituisionalmente hateten katak ne’e inkopativel, no laiha artigu ruma hateten katak, proivisaun ba kandidatura PR ba ema sidadaun ida, tuir elizibilidade artigu-75 no lei numeru 7/2006. (BT)