DÍLI----Ministru Obras Publika (MOP) Salvador Eugénio Soares dos Reis Pires, Informa, Ohin halo lansamentu ba implementasaun projetu Estrada Rural ba Dezenvolvimentu (ERD) tinan 2021 no halo uluk asina karta asseitasaun ba kompañia-5 ba projetu ERD iha Díli, Baukau, Vikeke, Manatutu no Ainaro.

“Ohin ita foin iha pakote ERD ba tinan ida ne’e iha liña ministeriu nomos iha fundu infraestrutura kuaze 136 nia orsamentasaun kuaze miloens $40 ital, miloens $35 iha fundu infraestrutura, miloens $13 ital mak iha liña ministeriais, Ohin mos ita mai halo uluk aseitasaun ba munisipiu lima (5) nian, tanba prosesu verifikasaun ita loke tender ba pakote balun no balun foin loke tenderizasaun balun sei iha hela privit no balu tama ona prosesu kontratasaun,” Hatete Ministru Obras Publiku (MOP) Salvador Eugénio Soares dos Reis Pires ba jornalista sira iha salaun Novu Turizmu-Díli, Kinta (10/06).

Nia hatutan, Asina karta asseitasaun ho kompañia-5 ba Munisipiu lima (5) mak hanesan Díli, Baukau, Vikeke, Manatutu no Ainaru ne’e ita tama ona prosesu aseitasaun ba sira bele tama ona asina kontratu, bele halo mobilizasaun ba manutensaun rutina nomos manutensaun periodika iha liña ministeriu nian.

Nia dehan, Programa Estrada Rural Ba Dezenvolvimentu (ERD) ne’e programa ne’ebé governu nian kapital investimentu maibé tinan ne’e ita tau kuaze besik miloens $40 ital dolar ne’e fahe ba miloens $13 ital iha liña ministeriu ba manutensaun nomos orientasaun periodika nomos manutensaun rutinas no reabilitasaun fundu infraestrutura kuaze miloens $35 ida ne’e ba pakote estrada 69 projetus.

Entaun, Atu hatete deit katak projetu ida programa investimentu kapital ba Estrada Rural ne’e governu nia osan, agora governu Australia sira fo asistensia tekniku atraves ILO para atu ajuda ita halo planemantu hanesan dezeñu, amostra no treinamentu ba ita nia estaf nomos setor privadu sira ne’ebé mak manan tendere ba kaer projetu sira ne’e liliu sira nia jestor ba projetu para atu implementa projetu tuir padraun ne’ebé mak ita iha para bele rejulta iha projetu ne’ebé kualidade.

“Dala ida tan atu hatete ba publiku katak programa ida Estrada Rural ba Dezenvolvimentu (ERD) ne’e orsamentasaun ba halo estrada reabilitasaun ka manutensaun ne’e governu nia osan, Ita-nia parseiru governu Australia mak fo osan ba asistensia tekniku iha planeamentu nomos hanesan halo jestaun projetu atraves ILO ba iha ita nia diresaun jeral obras publika no ba mos kompañia implementador depois prosesu tenderijasaun ba sira nia jestor projetu sira,” Relata nia.

Agora restante 44 mak fo sai ne’e iha iha fundu infraestrutura iha reabilitasaun total investimentu iha estrada rural kuaze 816 kilometru iha orsamentu jeral tinan 2021 no durasaun tempu ba kompañia ne’e sempre tinan-1. “Kualifikasaun ne’e liu husi tenderizasaun ne’ebé regoroju no ita nia diresaun jeral administasaun finansas mak hare liu kestaun tekniku sira ne’e, maibé selesaun ba kompañia sira ne’e klaru tenki tuir ita nia rejime juridiku aprojinamentu nian numeru 10/2005, ida ne’e mak ita nia guia no ita nia asaun sira liuliu ba iha prosesu aprojinamentu, tanba tenki asegura ninia kualidade projetu,” tenik nia

Nia haktuir, Kontrolu kualidade ita iha tinan 2019 ne’e ita kontartu ona 50 pesoas ne’ebé lokaliza enjeneiru iha terenu ne’ebé kada munisipiu sira lokaliza iha ne’eba, projetu liña ministerial sira ne’e sira komesa halo supervizaun ida ne’e mak iha tinan 2019 ita halo kedas, agora sira sei servisu nafatin ho obras publika bainhira ita nia kompañia manan nain sira ne’e tun ba halo ona mobilizasaun sira sei iha ne’eba halo diariamente ba iha prosesu implementasaun asegura kualidade husi investimentu ne’e rasik.

“Ha’u husu ba sira para atu fo sira nia abilidade tomak atu implementa projetu ne’e kualidade tanba investimentu ne’e uza osan povu nian kada investimentu kada sentral tenki lori retornu ekonómiku hodi realiza vizaun governu nia atu hametin konektividade fiziku ba fasilita ita nia dezenvolvimentu ekonómiku,” Informa Salvador. (BT)