DÍLI----Vise-Primeira Ministra (V-PM) no Ministra Solidariedade Solidaridade No Inkluzaun (MSSI) Armanda Berta dos Santos, Informa, Ohin membru oitavu Governu konstituisional halo ona lansamentu Vasinsaun covax (AstraZaneca) ba segundu Dozes ne'ebe importante tebes ba vida umana hodi aumenta imunizasaun ba moras hadaet Corona Virus Desease 2019 (COVID-19) no Vasinasaum ba timoroan sira nomos pesoal saude sira iha liña frente.

“Fase importante ba ita iha ita-nia nasaun tanba solusaun ba Vida normal mak ita-nia sidadaun hotu husi 18 idade ba leten hakat ba Vasinasaun hodi Simu Vasina,” Dehan Vise-Primeira Ministra (V-PM) no Ministra Solidariedade Solidaridade No Inkluzaun (MSSI) Armanda Berta dos Santos ba Jornalista sira hafoin lansa Vasinasaun segundu Dozes, iha CCD, Kinta (10/06).

Governu Timor-Leste introdus Vasinasaun AstraZeneca husi Australia ba Primeiru Dozes Segundu Dozes husi Nova Zelandia, No Sinovac husi Governu Xina maibe Sidadaun sira hili, tanba Vasina sira ne'e seguru no Efikasia no kualidade hodi asegura ema ida nia Imunidade.

Nia dehan, Husi Vasinasaun mak salva ita husi Pamdemia Covid-19, no vasinasaun mak Sai ba moris normalidade. Ho segundu dozes ne'e mak sei fo motivasaun ba publiku hodi hakat ba Postu Saude hodi simu. Iha fatin seluk, Ministra Saúde (MS) Odete Maria Freitas Belo, Haktuir katak, Vasinasaun ba dalarua ne'e hein to'o semana rua mak foin movimentu ba munisipiu hetan livre.

“Presiza deskansa hodi bele ita-nia sistema imunidade ne'e estabelese didi'ak ita bele lao livre, nune’e, lasignifika ita livre hodi husik protokolu maibé ita kontinua lao tuir, tanba ita-nia persentanjem vasinasaun ba ita-nia rai ne'e sei ki'ikoan, agora ne'e ita foin fo mak 20% ne'e ba frontline ita seidauk kobre hotu, banhira ita imunizasaun ba to'o 70% mak ita foin seguru liu no bele livre husi covid-19,” Relata Odete.

Nia Haktuir, ita kontente teb-tebes tanba horise’ik Timor-Leste simu tan doze hamutuk 100.800 ne’ebé inklui doze 24.000 husi mekanizmu Ca-Sharing tanba kontribui husi Governu Nova-Zelándia ho esforsu no presaun maka'as ne’ebé Komisaun Interministeriál ba Vasina kontra Covid-19 halo, relasiona ho doasaun husi COVAX Facility finalmente ita tur hamutuk iha fatin ida-ne’e hodi simu segundu doze vasina AstraZeneca.

“To’o agora total serka de 90.000 mil sidadaun simu ona primeira doze vasina AstraZeneca, númeru ne’e ita konsege atinji grasas husi doasaun Governu Austrália ne’ebé suporta ita no nafatin ho ita komprometidu atu kontinua halo doasaun vasina ne’e hodi asegura katak populasaun tomak iha Timor-Leste bele sai protezidu husi moras Covid-19. Doasaun vasina husi COVAX Facility haforsa di’ak liután apoiu sira seluk husi Governu Austrália no Governu Xína hodi kontribui nafatin ba esforsu ne’ebé ita-nia Governu halo luta hasoru pandemia Covid-19,” Katak nia.

Governante ne’e esklarese katak sidadaun ne’ebé simu ona doze dahuluk maibé hetan moras Covid-19 bele simu doze daruak hodi asegura efetividade vasina no prevene kontájio ka transmisaun vírus. “Favór apoia ekipa Ministériu Saúde durante kampaña imunizasaun importante ida-ne’e inklui fahe informasaun ba família, viziñu ka kolega sira hotu ne’ébé seida’uk hetan vasina atu vizita Postu Vasinasaun ne’ebé MdS identifika ona no ita labele vense batalla kontra Covid-19 enkuantu ita la vasina ema hotu,” Relata nia.

Nia dehan tan, Apoiu ida ne'e husi OMS no Uniceef, no Ministeriu Saude fo kartaun no inklui mos aplikasi ida hodi bele sidadaun hot-hotu bele lao livre hodi lao ba iha froteira sira bele notifika katal ita iha vasinasaun dala-2 ona. Nune’e, Iha seromonia lansamentu ba segundu doses ne'e hetan Partsípa mós husi Prezidente Parlamentu Nasionál, Deputadu sira, Prezidente Tribunal Rekursu, Membru Governu da-8, reprezentante Ajénsia Internasionál no Nasionál, reprezentante Diplomata sira iha Timor-Leste no seluk tan (BT)