DÍLI----Ministru Prezidenti Kosellu Ministru (MPKM) Fidelis Leite Maglhães hatete, Governu mós husu parte Saúde nian oinsá atu halo esforsu makás bele mantein nafátin objetivu ida ho 5 Mil kada loron tanba aban hahú ba vasina daruak nian oinsa sidadaun ne’ebe simu vasina dauluk bele badaruak nian. Enkuantu, Konsellu Ministru husu Ministra Negósiu Estranjeiru no Kooperasaun (MNEK) Adaljiza Magno atu hare ba opsoens sira atu bele mantein koopera ho nasaun viziñu sira hodi fó apoiu tan vasina, nune’e iha posibilidade sidadaun idade 18 mai kraik bele hetan hotu vaina.

“Governu mós husu parte Saúde nian oinsá atu halo esforsu makás nune’e bele mantein nafátin objetivu ida ho 5 Mil kada loron, tanbá iha Munisípiu Díli taxa as liu iha Munisípiu sira seluk. tanbá ita hotu hatene, aban seí hahú hikas tan vasina dala rua, ne’ebé maka hahú vasina ona, iha loron 7 fulan Abril, monu ba loron 10 atu vasina ba dala rua nian, ne’ebé maka aban iha Merkadu Lama.

Nune’e, Konsellu Ministru husu Ministru Negósiu Estranjeiru no Kooperasaun, atu haree obsaun sira hotu, nune’e fokus ba posibilidade Timor-Leste bele hetan vasina liu-liu ida ki’ik sira, ho idade 18 ba kraik,” Dehan Ministru Prezidensia Kosellu Ministru (MPKM) Fidelis Mauel Leite Magalhães hafoin remata reuniaun Konsellu Ministru ba Jornalista sira iha Salaun Auditorium Ministériu Finansas, Ai-Tarak laran Díli, Kuarta (09/06).

Nia hatutan, Vasina Hotu Idade Ki’ik sira ne’e importante, hafoin ida ne’e MNEK seí hala’o esforsu lubuk ida, ba ita-nia nasaun parseiru sira, hodi haree posibilidade atu ita aumenta tan asesu vasina ba populasaun idade ki’ik sira tanbá parte husi ita-nia nasaun viziñu hanesan Austrália fó apoiu ba kada semana rua vasina 20 Mil to’o iha Timor-Leste nomos vasina husi Governu Xina nian 100 Mil mai ona, Vasina husi Nova Zelandia nian 24 Mil, fasilidade Covax mós kontinua nafátin apoiu ba Timor-Leste,” Dehan Fidelis.

Nia dehan, Governu rekomenda ba ita-nia nasaun Viziñu sira, tanbá própriu nasaun barak iha mundu óras ne’e dau-daun hasoru dezafiu boot atu hetan visina, sira vasina la’os de’it ba populasaun idade boot maibe mós ba idade ki’ik, ne’e bele fó impaktu vasina global no mundial. Maibé grasa adeus Timor-Leste iha relasaun ne’ebe maka forte ho nasaun viziñu sira, ne’ebé mak la husik ita iha situasaun saida de’it, ho ida ne’e, ita konsege vasina sedu liu hodi kuidadu ba ita nia populasaun.

“Populasaun iha kapitál deit husi 37 besik 40% ona mak hetan ona vasina, ita aumenta nafatin ritmu ida ne’e, ba populasaun iha dili laran mak kontinua sa’e nafatin ba to’o 80% ne’e fó valor di’ak ba ita,” Relata nia.

Iha fulan oin mai tan, bainhira Konsellu Ministru haree fali halo avaliasaun ba situasaun ita lalika ona preokupa kona-bá desizasaun hirak ne’ebé maka impede ita nia aktividade lor-loron nian, nune’e ita bele atinji. Ho ida ne’e, Governu apela ba komunidade, sira iha teritoriu laran tomák, atu bele ba vasina, favor ida bolu konvida ba malu ba vasina, vasina ba mak ita bele normaliza fila-fali ita nia situasaun iha rai laran, normaliza aktividade ekonómia.

Fidelis relata, Lalika fiar informasaun falsu sira ne’ebé maka iha, dehan vasina halo ita moras oi-oin no vasina halo ita osan belit ita nia isin hotu ne’e informasaun hoax tanbá Organizasaun Mundial Saúde (OMS) katak, vasina ne’e dalan di’ak ba sidadaun sira hotu, bele protejidu husi Kovid-19, bainhira seida’uk hetan vasina, nia seí bot liu ba iha nasaun no sosiedade.

Tanbá ne’e mak, Governu kontinua husu populasaun nia konsiensia atu simu vasina, tanbá vasina la’os ita timor deit mak simu, maibe nasaun ida ne’ebe maka fo apoiu ba ita mós sira rasik mos simu vasina tanba agora porsentu 40, ne’e ema 91 Mil iha timor laran tomák to’o ohin loron, hamutuk 23, 525 di’ak ona, maibé seida’uk to’o, seí kontinua vasina barak liu tan.

Bainhira iha ona atinji 80 posentu, ne’e iha imunidade koletiva reforsadu, tanbá ne’e maka ita apela di’ak liu objetivu prinsipál mak ita halo iha Munisípiu Díli, 80% ba leten 100% diak liu tan tanbá agora ita ona porsentu 40, ne’ebé maka ita seí presiza tan porsentu 50 no 60, normalizasaun ne’e depende ba vasinasaun, tanbá ida ne’e maka Governu nia prioridade ne’e fahe ba parte tolu primeiru vasina, segundu vasina no ikus vasina.

Nia Informa, Enkuantu, atu normaliza ne’e presiza vasina, nune’e populasaun sira hotu, kontribui ho lalais, nune’e ita aumnenta ritmu iha vasinasaun, bainhira ita to’o ona faze ida ne’ebé maka 80% ba leten ita bele relfeta ona polítika hirak ne’ebé maka Konsellu Ministru seí deside. (BT)