DÍLI----Governu liu husi Vise Ministru Administrsaun Estatal (MAE) Lino de Jesus Torezão, Informa, Timor Leste ohin loron iha ninia arkivu nasionál maibe seidauk atinji arquivo nasional ninia objetivu tanba ne’e presiza rekursu rumanu ne’ebé mak iha kapasidade atu oinsa bele involve servisu iha arkivu hodi bele hetan arkivu nia objetivu.

“Ita hotu hatene katak arkivu nasional ne’e bele iha maibé ita hakarak mos presiza rekursu humanu ne’ebé mak iha nia kapasidade tomak para atu bele oinsa mak involve aan atu tama servisu iha arkivu hodi bele hetan arkivu ninia objetivu ne’e oinsa,” Hateten Lino de Jesus Torezão ba jornalista sira iha salaun Centru Nasional Chega (CNC) Balide Díli, Kuarta (09/06).

Nia hatutan, Dala barak ita koalia arkivu ne’e ema dehan atu ba servisu deit mos sira lakohi arkivu ida, tanba iha fatin hotu-hotu hanesan arkivu ne’e ema dehan tanba saida mak loron arkivu internasional tanba ita hatene katak arkivu ninia prezerva ka buat hotu ne’ebé mak iha katak historia ne’ebé mak pasadu nian tau ida ba oin nian mos iha no ida ne’ebé mak atu foti ema hodi kapasita ida ne’e hanesana historia ida atu hatutan ba ita nia jerasaun sira para atu hatutan nafatin prezervasaun ne’ebé mak agora dadauk iha.

“Ita prezisa rekursu umanu, ita mos presiza fasilidade ba arkivu nasional, agora dadauk ne’e fatin ida ne’ebé mak diak ne’e AMRT deit mak fatin diak maibé arkivu nasionál deit fatin sei la iha para atu hare, tanba ne’e ita atu hare buat ne’e mai iha chega deit mos ita presiza hare, ita bainhira ita hakarak progresa instituisaun ida atu sai diak liu tan ita presiza mos iha fasilidade diak para atu bele fo apoiu tomak ba progresaun ne’ebé mak agora dadauk ita atu bele progresa ne’e presiza tanba fasilidade ne’e esensial ba ita hotu,” Esplika nia.

Nia informa, Kada tinan tau orsamentu, maibé orsamentu ne’e tau ne’e la responde ba preokupasaun no nesesidade ne’ebé mak arkivu sira iha. “Orsamentu prontu ita presiza tina-tinan ita tenki tau orsamentu maibé orsamentu ne’ebé mak ita tau ne’e sei la responde preokupasaun ho nesesidade ne’ebé mak arkivu sira iha hansan agora dadauk ita iha instituisaun rua ba arkivu nian hanesan chega, AMRT ho arkivu nasional ida ne’e mak ita presiza hametin liu tan para oinsa mak atu dezemvolve arkivu nasional ne’e ba oin,” Tenik nia

Nia Informa, Politika ida diak liu mak ita tenki iha lei ida ne’ebé mak atu hatur metin arkivu nasional ne’e para atu bele lori ba oin presiza lei kuandu la iha legalidade ne’ebé mak forsa arkivu ne’ebé mak iha timor loran nian ha’u hanoin ita bele progresa ba arkivu nasional. (BT)