DÍLI----Ministra Saude (MS) Odete Maria Freitas Belo hatete Governu simu tan apoiu husi Governu Japaun Liu husi Embaixador Japaun iha Timor-Leste entrega Ambulansia-38 atu oinsa bele hakman servisu Saude nian liu-liu ba pasiente sira bele transloka lalais ba Hospital.

“Ita hetan apoiu Ambulansia-38 husi governu Japaun, 12 mak ita simu ona, 10 sei iha hela alfandega no restu sei prosesu hela iha dalan,” Dehan Ministra Saude Odete Maria Freitas Belo, ba jornalista sira hafoin simu Ambulansia iha Palasiu das Cinzas Kaikoli, Kuarta (12/05)

NIa htautan, Ambulansia sira ne'e ita halo jestaun ne'ebe mak di'ak bele sufisiente ona hodi bele rezolve mais laos ambulansia de'it maibe ba mos Rekursus sira hodi bele miniza problema sira iha munisipiu.

Nune’e, ambulansia ida (1) sei fó ba iha Secretariu Estadu Protesaun Sivil (SEPS) hodi apoiu sira-nia servisu. “Ambulansia ne'e provizoriamente ita entrega 1 ba iha Secretariu Estadu Protesaun Sivil (SEPS), sira mak husu, entaun ita fó ida (1) ba sira hodi halo sira nia servisu,”Relata nia.

Enkuantu, Embaxadór Japaun iha Timor-leste, Masami Kinefuchi, haktuir katak, Desde tinan kotuk Governu Japaun deside ona hodi oferese programa asistensia oi-oin no projetu sira hodi suporta Timor-Leste iha nia luta hasoru Covid-19, ho total orsamentu miliaun $16 resin dollar Amerikanu. “Ambulansia ne'ebé mak durante ne'e ita hotu hein, foin lalais ne’e Ambulansia 4 WD foun-22 finalmente to iha Timor-Leste, 16 liu sei tuir mai, no ekipamentus barak sira seluk hanesan; Monitor de Cabeceira, Autoclave no Incubadora infantil mós sei entrega ba ita bo'ot sira,” Haktuir Embaixadór Japaun iha Timor-Leste.

Nune’e, Diplomata ne’e hatutan liutan katak, Projetu ida ne'e rasik vale ba total osan milliaun $4.6 dollares Amerikanu, no sei sai ativu signifikamente ida ba ita bo'ot sira iha luta hasoru Covid-19 tanba Ambulansia-38 ne’e, hanesan carinho de emergencia unidade-12, manometro de pressão arterial unidade-765, estestoskópio-765, autoclave unidade-12, incubadora infantil unidade-10, bomba seringa unidade-18, monitor de cabeceira unidade-70, leitos hospitalares unidade-240 no Jerador unidade-2. (BT)