DÍLI----Parlamentu Nasional liuhusi bankada Partidu Demokratiku (PD) Deputada, Elvina Sousa, iha uma Fukun Parlamentu Nasional Kongratula ba Loron nasionál no internasionál Press Freedom Day tamba konsidera Jornalista ou Mídia mak sai klamar no lalenok ba Demokrasisa.

“Loron ida ohin, loron internasionál ba Press Freedom Day, hanesan reprezentate povu nomós deputada bankada PD Ami hakarak hato’o ami-nia parabens ba Jornalista sira hotu ba loron espesial no loron interenasionál ne’e, husu atu sira kontinua hasae kualidade produtu Jornalistiku iha media oin-oin hanesan Priting, Online, Radio ho Televizaun sira, hanesan babain ami bankada Partidu Demokratiku (PD) konsidera katak media mak sai hanesan klamar no Lalenok ba Demokrasia,” Hateten bankada PD Deputada Elvina Sousa iha Plenaria Uma Fukun PN, Segunda (03/05).

Nia hatutan, PD konsiente katak papel husi Jornalista sira importante tebes ba iha Demokrasia no importante tebes ba Iha Dezenvolvimentu nasaun ho ida en’e ami husu ba Jornalista sira atu uza loron ida ohin sai Hanesan loron reflesaun atu bele hare’e Dezafius hotu ne’ebé mak sira hasoru hodi transforma sira nian motivasaun hodi hakat hodi hadia sira nia-an, atu bele aprezenta no fornese informasaun servisu jornalistiku ne’ebé mak Di’ak no kualidade Ba povu,”

Aliende ida ne’e Reprezentante povu aproveita loron Traballadores sira iha loron 1 fulan Maiu ne’e, husu Ba Govenru liu-liu sekretariu Profisionál No empregu atu bele hare’e meius ida atu proteje ita nia maluk sira ne’ebé mak servisu hanesan traballadores iha area formal no informal. “Kleur ona ami iha Parlamentu nasionál ezije atu bele iha lei ida, tanba iha Momentu sei mandatu sekretariu Estadu Julio hatete katak atu finalize ona lei ba traballador Domestika sira ida ne’e mak ami husu Sekretariu Estadu Atual atu bele finalize draf lei ne’e atu bele hare’e ba traballador Domestika sira atu bele proteje sira nia direitu,” Informa nia. (BT)