DÍLI----Asosiasaun Radiu Komunidade Timor-Leste (ARKTL) fó Formasaun Journalizmu Baziku Radio Fuzaun (JBRF) no Radio Online (RO) atu hasae kapasidade Estasaun Radio nian ba Formador sira husi Radio Komunidade ne'en (6). Tuir Formador Asosiasaun Radio Komunidade Timor-Leste (ARKTL) Presario Ximenes informa, Worshop nia objektivu prinsipal atu hasae kapasidade estasaun Radio Komunidade sira nian atu iha rekursu rasik hodi bele kria treinamentu iha estasaun radio regulamente.

“Worshop ne’e nia objektivu prinsipal mak ita atu hasae kapasidade estasaun radio komunidade sira nian atu iha rekursu rasik atu bele kria treinamentu ka formasaun iha sira-nia estasaun radio regularmente bele akontese kada tinan liuhusi estasaun radio bele iha nia ema formador rasik, sira bele kria manual formasaun rasik depois sira bele halo formasaun ba voluntariu sira ne’ebé hakarak ba aprende iha radio,” hatete Formador Asosiasaun Radio Komunidade Timor-Leste (ARKTL) Presario Ximenes ba jornalista BT iha salaun Hak Farol, Dili, Segunda (03/05).

Nia hatutan, Ba futuru ita hakarak Radio Komunidade sira ne’e iha kapasidade rasik atu bele halo kooperasaun ho Instituisaun Governu ho organizasaun balun iha parte formasaun ba sira kona-ba media brok kastri, ho hanoin katak Asosiasaun Radio sira ne’e bele produs sira nia aktividades formasaun kada tinan sira bele kria iha sira nia instituisaun radio, ida ne’e bele sai hanesan fontes ida atu sira bele hetan fundus atu bele sustenta sira nia instituisaun radio.

Nia dehan, Dadaun ne’e tuir ARKTL-nia planu atu involve Radio Kumunidade sira mak hanesan, Radio Voz Popular Lospalos, Radio Neon Matebian Baukau, Radio Bukoli, Depois iha Dili, Radio Loriku, Radio Komoro, Radio Rai Husar Aileu, Radio Mauloko Maubise inklui ho Radio Tokodede Likisa. “Maibé dadaun ne’e iha radio ne’en de’it mak bele mai, tanba ita-nia situasaun Serka Sanitaria (SS) la permite sira atu mai hotu, ne’ebé formador iha ne’e katak iha prosesu ne’e semana ida rua mai, sekarik fo biban entaun sira seluk bele mai tuir tan formasaun iha ne’e, karik labele sei muda ba opsaun segundu mak sei uza online nian,” Esplika nia.

Nia haktuir, Manual matadalan sira ne’e asosiasaun radio komunidade mak produs, maibé liu husi konsultasaun rona mos husi esperiensia ne’ebé mai husi Estasaun Radio sira ne’ebé husi Jornalista Radio sira ne’e inklui mós husi Radio Gestor sira, entaun esperiensia sira ne’e bele sai hanesan referensia ida ba Asosiasaun atu bele kria manual ne’ebé adaptavel wainhira ita ba implementa iha sira tanba jestaun radio la’os bu’at foun ba sira, tanba ida ne’e mai duni husi sira.

Nia relata, Asosiasaun hanesan fasilita de’it oinsa mak bele koleta esperiensia ne’ebé mai husi gestaun radio sira ne’e bele formula ida bele sai hanesan manual ida, depois sira bele uza ba jestaun radio atu enkoraza partisipasaun komunidade. “Dadaun ne’e insituisaun radio komunidade ami iha parseiru di’ak ho UNESCO ami hetan fundus husi programa ida ita bolu APDS ne’e programa ida ne’ebé fornese husi UNESCO atu dezenvolve media sira iha mundu,” katak nia.

Nune’e, Asosiasaun koko halo proposta ba sira iha tinan kotuk ho programa ida, Formador hakarak atu enkoraja, atu eleva kursu husi Jornalizmu Radio Komunidade sira atu bele fasilita sira iha rekursu rasik, atu kria formasaun ba sira nia jestaun radio ba voluntariu foun sira. “Estaun sira aprova tiha fundus ho total fundus ne’e ami iha $30 mill, maibé ida ne’e sei lao husi etapa ida husi formasaun ida ne’e kolega sira sei fila ho estasaun radio sira rasik mak sei halo formasaun iha sira nia instiuisaun radio hanesan projetu pilotu ida,” Informa Prezario. (BT)