DILI----Prezidenti Movimentu Asaun Ekonomia Komunitaria (MEKOM) Rui Castro Informa, Pandemia Covid-19 Halo rendimentu husi MAEKOM tun husi Tinan 2020 to'o 2021, tanba impaktu husi Estadu Emergensia (EE) no Serka Sanitaria (SS), Maibe MAEKOM sempre sukat situasaun ne'ebe iha hodi hakat ba oin.

“Rendimentu ba hakiak manu kompara ho estadu emergensia ida uluk nee rendimentu tun los iha tinan 2020 tun no mos 2021 tun, tanba impaktu husi Covid-19, impaktu husi politika Estadu Emergensia no impaktu husi Serka sanitaria, Maibe ami sempre sukat atu lao nafatin iha loron kuarta horibainrua ami destribui hela ba membru, ami mos koopera di'ak ho Governu husu komprensaun oinsa mak bele tama,” Hatete Prezidenti MAEKOM Rui Castro ba Jornalista iha Salaun João Paulo segundu, Komoro-Dili, Sexta (30/04).

Nia Hatutan, Tanba ita bele lao ho di'ak, to'os na'in sira bele lao di'ak, ema hakiak manu mos tenki lao di'ak, hetan ne'ebe di'ak los seidauk tama estadu emergensia ne'e di'ak los, kuandu sira hakiak manu hamutuk-100 ful-fulan nia bele hetan $100 dolar liu. Entaun rendimentu ne'e di'ak kuandu situasaun normal, maibe agora la normal ona ami mos tenki servisu tuir la normal ne'e, kuandu lao la normal ne'e manu tama rendimentu la iha katak manu la tama hakiak mos la iha ona sira labele fa'an ona.

Entaun saida mak agora sira halo sei ita bo'ot sira akompaina agora dadaun sira balun kuda fali hudi no balun kuda fali modo, balun hakiak fali manu lokal, maibe aktividade MAEKOM nian integradu. “Ha'u Nia rekonmendasaun ba Governu bele halo politika hot-hotu, Maibe tenki loke dalan atu aktividade ekonomiku tenki Lao, bele iha SS, bele iha EE mais loke Dalan Labele hamate aktividade ekonomiku, tanba hamate ekonomiku ne'e hamate Vida povu nian, povu ne'e Vida nasaun,” Relata Rui Castro.

Nia Informa, Ita bele uza EE ne'e hodi kumpri distansia sosial, kumpri regra Organizasaun Mundial Saude inportante aktividade Ekonomia la bele mate, povu ai-leba labele mate, modo husi munisipiu Aileu, Maubise, Ermera no Likisa no batas husi Manatutu tenki folin Nafatin. (BT)