DÍLI----Prezidenti Movimentu Asaun Ekonómia Komunitaria (MAEKOM) Rui Castro, informa Estadu Emergensia (EE) halo buat hotu monu ne'e lae, maibé oinsa empregadu aproveita transforma, tanba ne'e MAEKOM sempre hanorin ba nia membru sira atu nafatin optimista no labele sai pisimista.

“Ha'u lakohi ko'alia barak dehan Estadu Emergensia (EE) ne'e buat hotu monu ne'e lai maibé oinsa empregadu aproveita transforma problema ne'ebè mak iha hanesan oportunidade, entaun ita tenki hanoin positivu labele hanoin negativu, ba ami MAEKOM sempre hanorin nia membru optimista labele pisimista iha situasaun ne'ebé susar nia laran, maibe ita nafatin optimista situsaun difisil so uniku ida ne'e de'it mak ita bele hakat ba oin,” Hatete Presidenti MAEKOM Rui Castro ba Jornalista sira iha salaun Sentru João Paulo II, Komoro-Díli (30/04).

Nia hatutan, EE tenki Halo serka sanitaria tenki halo tanba atu salva ema barak nia vida tanba ita tenki rekoñese covid-19 ne'e iha maibé ita labele hakmatek katak iha problema nia laran oportunidade, se ita bo'ot sira haree oportunidade oinsa mak ita bele transporta problema oportunidade katak iha impaktu ne'ebé labele dehan katak buat hotu aat oinsa mak ita hatene aproveita movimentu oportunidade no transforma problema.

Nia dehan, Bainhira ita pisimista iha situasaun ne'ebé difisil ne'e fo impaktu mos ba ita-nia bisnis no fo impaktu ba ita-nia saúde nomos impaktu ba buat hotu-hotu moris ne'e atu optimista, moris ne'e positivu ita tenki hakat, la moris ida la iha problema. “Entaun ba ami covid-19 ne'e husik dotor sira trata husi governu halao nia programa, saúde halao nia programa no ema toos na’in halo programa, turismu halo nia servisu hakiak manu halo nia servisu no jornalista halo nia servisu, Entaun ita tenki iha optimista atu labele lakon esperansa,” Salienta nia. (BT)