DÍLI----Eis Prezidenti Repúblika José Ramos Horta Hatete Relasiona ho ohin hasoru malu ho Xefe Governu Taur Matan Ruak atu oinsa hato’o preokupasaun balun relasiona ho situasaun ne'ebé mak akontese iha Timor-Leste ne'ebé mak kada loron numeru kazu Corona Virus Desease 2019 (COVID-19) aumenta bebeik.

“Ha'u mai vizita kortezia ho Primeiru Ministru (PM) Taur Matan Ruak, ko'alia asuntu ida ne'ebé mak importante tebés iha Timor-Leste, mak kona-bá Kovid-19 nia inflasaun ne'ebé mak aumenta iha Timor-Leste,” Dehan Eis Prezidenti Repúblika José Ramos Horta hafoin remata enkontru ho Xefí Governu ba Jornalista sira iha Residensia PM Farol, Tersa (27/04).

Nia hatutan, Governu halo Serka Sanitária iha Kapitál Díli, atus ba atus halai subar ba foho, bainhira ita halo teste iha foho situasaun ida ne'e ita hotu nia preokupasaun, tanba ne’e, Senti preokupa tebés ho situasaun ne'ebé mak akontese dadaun iha ita-nia rain tanba moras ne’e dadaun hada’et ba komunidade nia le'et, nune’e husu atu halo sensibilizasaun ba komunidade sira. “Hau-nia preokupasaun atu kontribui nune'e bele halo sensibilizasaun bo'ot ba ita-nia sosiedade sira, primeiru tuir regras ne'ebé autoridade Saúde no Organizasuan Mundiál Saúde iha mundu tomák uza maskra, fase liman bebeik no distansiamentu sosiál no fisiku,” Dehan Horta.

Nia haktuir, Kazu ne’e aumenta tanbá ita-nia sosiedade la kumpri desizaun ne'ebé mak Governu halo, primeiru hahú iha ita-nia populasaun sira ne'ebé mak ba Indonezia tama saí arbiru liu husi dalan ilegal. “Ha'u ko'alia ho Primeiru Ministru, oinsá atu hetan vasina hodi fornese ba vasina barak liu mai Timor-Leste iha tempu badak, Primeiru Ministru halo ona kontaktu balun agora, ofisial mak ha'u husi kotuk dudu, tanbá ha'u mós hanoin AstraZeneca liu husi sistema Covax, no Organizasuan Mundiál Saúde mak di'ak liu ba Timor-Leste,” Salienta nia.

Nia Relata, Lalika kahur barak demais ho vasina oi-oin, AstraZeneca sientista bo’ot husi Inglatera, Suecia ba Kompañia sira no Úniversidade Hoxton, efikaz duni ne'ebé mak liu 80% ho segunda Doze bele sa'e 90%, Australia mak atu fornese, Fabrika tuir regra Austrália nian. Alende ida ne’e, Ministra Saúde nia ema halo vasina ne'e di'ak iha tempu barak, bele kompara ho rai seluk hanesan Papua, Nova-Guiné sira konsege hala'o vasina atus rua kada loron, Timor-Leste konsege hala'o rihun ida no rihun rua kada loron.

“Siknifika, iha kapasidade halo vasinasaun, bele simu vasina barak liu, tanbá ema ida halo dala rua, Miliaun ida (1) abitante benefika vasina 2 Milioens, ne'e hatudu mós konfiansa Austrália no fornesedór sira katak, Timor-Leste iha kapasidade. Entretantu, óras ida nia laran husi kotuk, ha'u buka rai balun, ho sientista balun oinsá estuda sira nia vasinasaun Ai-moruk no tratamentu, hare oinsá bele hatama mai iha Timor-Leste. Informa nia. (BT)