DÍLI----Parlamentu Nasional liuhusi Bankada apoiu Governu Fretilin-Deputadu, Dário Madeira iha ninia intervensaun hatete, Husu ba Ministeriu Edukasaun Joventude no Desportu kona-ba ezame nasional ho ezame trimestral ninia progresu ne’e to’o iha ne’ebé ona tanba durante debate orsamentu ratifikativu iha uma fukun Parlamentu Nasional dekalara hela ba eskola Online iha Universitariu mais Eskola Baziku ho Eskola Sekundariu sira nunka deklara sai maibe oinsa ho preparasaun ba eskola sira ne’e.

“Primeiru ha’u atu ko’alia de’it kona-ba ezame nasional ho ezame trimestral ne’ebé, Ministru deklara iha semana liu sei hahu iha dia 19 ate 24 ne’e, hanesan deputadu ha’u hakarak hateten de’it ninia progresu ne’e to’o iha ne’ebé ona, labele deklarasaun ne’e ba de’it sira ne’ebé mak hala’o hela dadaun eskola Online ne’e, agora ba eskola sira publiku ne’e, sira ne’e hela nafatin ho kondisaun sira hanesan ne’e,” Hateten Deputadu Dário Madeira liu husi ninia intervensaun iha uma fuku Parlamentu Nasionál, Tersa (27/04).

Nia hatutan, Deklarasaun ne’ebé Ministru fó sai ne’e ninia impaktu ne’e bo’ot la halimar ba estudante, tanba estudante agora ne’e sira sente sira lakon ba sira nia ezame trimestral ne’e ba Primeiru Trimestre nian. Entaun sira hotu-hotu tun, ba eskola sira ba buka informasaun iha ne’ebá oinsa mak sira bele asesu ba ezame, tanba durante ne’e, sira la iha prosesu apredisazen duni, ne’ebé ha’u hakarak atu konfirma ida ne’e.

Nune’e, Ministeriu Edukasaun Juventurde Desportu (MEJD) Armindo Maia relata iha ninia intervensaun iha Parlamentu Nasional Katak, Kona ba Ezame trimestral ba estudante sira iha munisipiu ne’ebe mak Implementa serka Sanitária ka lockdown durante ne'e entaun exame formativu depois Serka Sanitá remata mak foin bele tuir Exame Maibe ba munisipiu seluk ne’ebe laiha Serka Sanitária sei tuir ezame babain ka exame cumativu. “Exame Cumativu hanesan bai-bain, sira ba aulas depois depois sira tuir Ezame, depois sira ne'ebe iha Serka Sanitaria ka Suspensaun entaun halo ezame Formativu bazeia ba Materia sira ne'ebe durante sira hetan,” Dehan nia.

Nia hatutan, Kuadu situasaun sira ne'e permite depois teste ba Formativu ne'e, Halo fali teste Cumativu depois situasaun permite ona, ne'e existe, Emprinsipiu ba hotu-hotu maibé foka liu ba Sekundáriu sira ne'ebe maka babain Ezame Trimestrál. Nia dehan, Kolia kona-ba kualidade estudante nian komplikadu tebes, nune’e, MEJD laiha alternative seluk hodi implementa ona, nune’e, deside online hodi atraveza tuir kapasidade nian.

“Kualidade ne'e Komplikadu teb-tebes tanba ne'e kuaze Situasaun afetadu hotu-hotu, Laiha Alternativu seluk, ida ne'e mak ami halo online ita halo dadaun tuir ita-nia kapasidade Ida ne'e mak ita halo laiha tan, Ida ne'e tuir situasaun ne'ebe ita infrenta no ita halo tuir ita-nia kapasidade, ita hanoin ideal, maibe ideal ne’e ital hatene , ita-nia ideal ne’e oinsa,” Espreza Nia hanoin.

Nia Indforma, Ministeriu Edukasaun Husu ba Estudante sira sira tuir nafatin orientasaun husi Ministeriu no husi Eskola inklui mos kontribui nafatain prosesu No esforsu-an nafatin iha situasaun ida ne'e Bele hetan nia Rezultadu ne'ebe maka di'ak iha situasaun ida ne'e. Ne’e Duni, seluk husi Ministru Ensinu Superior Siensia no Kultura (MESSK) Longuinhos do Santos mos haktuir tan katak, Governu liuhusi Ministeriu Ensinu Superior Siensia no Kultura (MESSK) sei halo pagamentu ba estudante Ensinu Superior Sira-nia propinas dahuluk, atu nune’e, iha semestre dahuluk estudante sira iha livre pagamentu propinas ba semester dahuluk.

“Iha tinan ida ne’e Ensinu superior sei iha livre pagamentu propinas ba semester dahuluk tanba ensinu superior sei halo pagamentu ba propinas semester dahuluk ne’ebé mak to’o limite $150 dolares Amerikanu,” Hateten MESSK Longuinhos do Santos. Nia hatutan, Ensinu superior halo pagamentu Propinas ne’e tuir artigo 15 ne’ebé mak hatur iha ne’ebá, iha semester rua, ida semester primeiru mak ba estudante sira ne’ebé mak registu ona ba ensinu superior sei iha livre pagamentu propinas ba semester dahuluk ne’ebé mak to’o livre atual limite 150 dolares amerikanu iha tinan ida ne’e.

Nia Dehan, Agora iha insensaun propinas ida mós posibilidade bele implementa iha segundu semestral kuandu Serka Sanitaria kontinua konfinamentu obrigatoriu no aktividade letiva suspende kontinua entaun bele posibilidade atu bele ezekuta tan ba segundu semestral. “Medida ne’e iha rua, ida mak instituisaun propinas, ida mak liña intrnet gratuita ba estudante no mós atu estabelese ba iha instituisaun insinu privada sira,” Esplika Governante.

Nia haktuir, Iha metodologia rua portanto iha suspensaun eletivas prevensial husi Universidades sira publiku no privada nian, mak uza metodologia rua ida mak uza insinu distansia ne’ebé mak utiliza online liu husi feramenta ne’ebé mak utiliza, portanto mós presiza sosa pulsa para atu utiliza teknologia refere.

Nune’e, Tuir mai mak metodologia ida mak rekoperasaun aulas, kuandu estudante balun ne’ebé mak la asesu iha distansia, sei iha tan metodologia ida tan mak ho naran autorekoperasaun, suspende aktividade remata ona, serka sanitaria remata ona bele hahu rekoperasaun ba estudante sira ne’ebé mak la konsege asesu liu husi ensinu distansia. (BT)