DÍLI----Governu liu husi Ministeriu Obras Publiku (MOP) fó fiar ba kompañia StarKing hodi normalize mota Lahane Oriental ne’ebé nakonu ho rai henek, nune’e oras ne’e, atinji ona pursentu 80 (80%). Tuir injeneiru Kompañia Starking, Manuel Henrique de Castro hatete, Normalizasaun ba mota Lahane oriental husi kompañia StarKing, dadaun atinji ona 80%, nune’e hein prosesu hotu hafoin simu kontratu.

“Ami husi kompañia StarKing mai normaliza mota ida ne’e tanba rai henek ne’ebe nakonu, entaun governu liu husi Ministeriu Obras Publiku (MOP) mak Fo fiar mai ami atu normaliza no ami hahú husi ponte Halilaran to'o ba Asrama Institutu Catolica Recsr nian ho nia naruk metru rihun ida atus tolu (1,300 m),  tanba ne’e ami normaliza mota ida ne’e agora to'o ona 80%,” hatete injeneiru Manuel Henrique de Castro ba jornalista BT iha Mota Lahane Oriental-Dili, Segunda (26/04).

Nia hatutan, Normaliazaun ba mota Lahane Oriental kompañia StarKing prepara kareta truck ne’en (6), ekipamentu olipezadu haat (4) Loader ida (1) ho Trator tolu (3) mak normaliza mota ida ne’e. Alende servisu normalizasaun ne’e mos governu sempre akompaina tuir hodi oinsa bele observa direita nia kualidade nian.

Nia informa, Kona-ba Ministeriu relevante ne’e husi MOP loro-loron mai hare'e tuir hotu servisu ida ne’e, tanba husi MOP mak fo fiar ba kompañia StarKing hodi normaliza mota Lahane Oriental. “Husi kompañia StarKing seidauk kontratu tanba ida ne’e sira haruka emerjensia de’it, ne’ebé ami servisu, maibé kompañia normaliza mota ida ne’e to’o 100% mak sira foin fo kontratu,” dehan nia

Nia haktuir, Kompañia StarKing foin suru rai henek iha mota Lahane Oriental no servisu ida ne’e hahú iha dia 5 Abril to’o agora foin mak atinji ba 80%, nune’e espera sei hotu iha tempu badak. (BT)