DÍLI----Ministru Prezidensia Konsellu Ministru (MPKM) Fidelis Leite Mangalhães hatete Ministeriu Transporte no Komunikasoens (MTK) aprezenta opsaun polítika servisu ba inspesaun Ró embarkasaun sira iha lejislativu.

“Ministru Transporte no Komunikasaun (MTK) José Agustinho da Silva, aprezenta ona opsaun polítiku lejizlativa subjasente sira ba projetu kona-bá regulasaun husi organizasaun serbisu sira inspesaun Ró no embarkasaun sira,” Dehan Ministru Prezidensia Konsellu Ministru (MPKM) Fidelis Leite Mangalhães hafoin remata enkontru ho Konsellu Ministru ba Jornalista sira iha Palásiu Governu, Kuarta (14/04).

Objetivu aprezentasaun polítika servisu ba inpensaun Ró ba embarkasaun nasionál tuir padraun internasionál hodi fó segurnsa marítima protesaun ambiental. “Aprezentasaun ne’e ho objetivu atu analiza preliminár husi opsaun sira polítiku lejizlativa nian, ba estabelesimentu husi norma sira no ba prosedimentu rejistu no ba servisu sira, inspesaun husi utilizasaun Ró no embarkasaun nasionál sira, tuir padraun internasionál sira, no seguransa marítima protesaun ambiente tasi nian,” Informa nia. (BT)