DÍLI----Embaixador Australia Peter Roberts informa, Ohin ita hotu hatene katak Aviaun Boeing Royal Australia Air Force C-17 tula material asistensia emergensia hanesan tenda nomos ijeniku nian to'o mai Dili iha oras 2:35, material hirak ne’e hola parte ba Australia nia pakote emerjensia ho montante Dolar Australia millaun $7 ba Timor-Leste.

“Ohin loron material asistensia emerjansia hamutuk-27 tonelada resin, inklui material preparasaun hahan, material tenda no mos ijeniku nian to'o ona mai Dili ho Australia nia aviaun Boeing Royal Australia Air Force material hira nee hola parte ba Australia nia pakote iha tempu paskua foin dadaun ne'e iha Timor-Leste,” Hatete Embaixador Australia Peter Robert liuhusi nia deskursu ba jornalista sira iha salaun VIP Aeroportu Internasiona Nicolao Lobato Dili, Kuarta (14/04).

Nia hatutan, Ekipa mediku australianu nian ida mos halo viagem tuir aviaun ida ne’e, Epidomiolojista senior no ofisial asistensia saude nian sei servisu hamutuk Ministeriu Saude nia ekipa vijilansia ne'ebe mak dadaun ne'e jere responde ba Covid-19. “Material asistensia emerjensia nian sei distribui liu husi Australia nia parseiru umaniataria nia ONG sira, Ekipamentus protesaun pesoal sei aumenta ba Governu nia stock ne'ebe mak hetan estragus depois de inundasaun, ne'e hanesan kontinuasaun ba Ekipamentus protesaun pesoal kilograma 500 husi Australia iha semana kotuk,” hatutan nia.

Nia akresenta, Material asistensia emerjensia hirak ne'e aumenta ba Australia nia apoiu imidiatamentu ne'ebe fornese ona ema barak iha sentru evakuasaun sira. Nia tenik, Australia orgullu tebes hala'o servisu hamutuk ho Governu Timor-Leste hodi apoiu Timor-Leste nia esforsu hodi responde ba Covid-19 no rekuperasaun ba inundasaun. (BT)