DÍLI----Embaixadór Austrália Peter Roberts Informa, Governu Austrália seí fó apoiu orsamentu hamutuk Miliaun $5 ba Governu Timor-Leste, nune'e bele fó responde ba komunidade sira ne'ebé mak hetan inundasaun. Alende ne'e mós mós Governu Austrália mós seí lori ekipa Saúde mai iha Timor-Leste, nune'e bele servisu hamutuk hodi bele fó apoiu ba ba situasaun inundasaun no Kovid-19 iha Timor-Leste.

“Governu Austrália anunsia ona pakote foun, hodi bele servisu hamutuk ho Governu Timor-Leste iha área ne'ebé mak iha, pakote ne'e iha Dolar Australia ne'e miliaun $7, maibé ba Dolar Amerika maizomenus Miliaun 5 resin,” Dehan Embaixadór Austrália Peter Roberts hafoin remata enkontru ho Xefí Governu ba Jornalista sira iha Palásiu Governu, Kuarta (14/04).

Nia esplika, Austrália prontu servisu hamutuk ho Governu Timor-Leste iha área oi-oin liu husi Governu nia sistema, apoiu ne'e inklui mós Ai-Han, Sasan nesesidade, hodi fó apoiu ba maluk sira ne'ebé mak dau-daun ne'e iha sentru evakuasaun. Pakote ne'e mós hanesan orsamentu Organizasaun Naun Governamental (ONG) (Sigla Portugés), ne'ebé mak servisu iha sentru evakuasaun, ho ida ne'e Austrália mós bele lori ekipa Saúde mai Timor-Leste, atu servisu hamutuk ho Governu Timor-Leste nian, hodi responde ba dezastre no responde mós Kovid-19.

Tanbá ida ne'e mak, Austrália prontu atu fó apoiu liu ba Timor-Leste hodi responde ba situasaun inundasaun. Nia kontenti tebés, hasoru malu ho Xefí Governu, hodi kualia liu kona-bá asuntu rua ida kualia kona-bá inundasaun, iha tempu defisil viziñu sira tenki hamrik hamutuk no seluk kolia kona ba programa Dezenvolvimentu Saúde seí fó apoiu vasina astrazeneca ba Governu Timor-Leste, nune'e povu Timor-Leste bele asesu.

“Austrália mós prontu atu fornese Vasina, ne'ebé mak husi Austrália nia amazajen rasik, hodi suporta ba prosesu vasinasaun iha Timor-Leste,” Dehan Embaixadór Austrália Peter Roberts. Nune’e, Governu AAustrália mós fó apoiu orsamentu liu husi Austrália nia programa dezenvolvimentu iha área Saúde, desde tinan kotuk fornese osan iha área laboratóriu nasionál, no kontinua nafátin lori sasan nesesidade hodi uza iha laboratóriu nasionál, no fasilidade tratamentu mós fó apoiu.

“Óras ne'e dau-daun, ha'u nia ekipa kualia hela ho Ministra Saúde, no ekipa tékniku iha Timor-Leste nune'e bele detallu situasaun ida ne'e tanba Embaixadór Austrália iha Timor-Leste ha’u (Peter Roberts) kontenti tebés, bele servisu hamutuk ho Governu Timor-Leste iha área importante ne'ebé mak iha,” Haktuir nia. Nia fó exemplu, Iha Lahane Austrália fó suporta iha área eletrisidade iha tinan kotuk, iha tempu inundasaun ne'ebé mak akontese tanba Austrália seí kontinua fó apoiu ho orsamentu iha área ne'ebé mak iha no bele lori mai, vasina husi Austrália nia amajen rasik.

Austrália mós prontu servisu hamutuk ho Governu Timor-Leste, atu asesu vasina ba Povu Timor-Leste tomák, dau-daun ne'e servisu ho Organizasaun Mundiál Saúde (OMS), iha Covax no porsesu vasinasaun ho Covax. Kona-bá orsamentu Austrália fó apoiu ba Governu Timor-Leste, maibé nia dehan, tinan kotuk fornese orsamentu kuaze Miliaun $25, hodi fó apoiu ba Governu Timor-Leste hodi responde ba Corona Virus.

Tinan ida ne'e Austrália kontinua fó apoiu nafátin, partikularmente iha área vasinasaun, Austrália seí kontinua fó apoiu nafátin, tanbá Austrália iha komitmentu atu servisu hamutuk ho Governu Timor-Leste atu fornese vasinasaun ba ema hotu. Primeiru Ministru (PM) kontenti, tanbá iha ida ne'e defisil tebés, presiza servisu hamutuk, tanbá hanesan nasaun viziñu bele kontribui ba malu. (BT)