DÍLI----Eis Presidente da Republika no atual Primeiru Ministru (PM) Taur Matan Ruak hatete Timor Leste ohin loron laos infrenta deit Corona virus Desease 2019 (COVID-19) maibe hasoru mos situasaun dezastre natural ne'ebé mak ema barak afeitadu ba inundasaun ne'ebé mak akontese husi sabadu kalan too domingu dadersaan akonse udan ho variedade boot. Ho situasaun ida ne’e, haketak kor polítika hamutuk hodi salva populasaun sira ne'ebé mak afeitadu ba inundasaun ne'ebé mak akontese iha semana kotuk.

“Laiha sidadaun ida hodi polítika fó vantajen maibé hamutuk hodi serví no nasaun atu atinji metas ne'ebé mak define tanbá laiha ema ida no laiha polítika ida iha Timor Bele hetan vantajen ba dezastre ne'ebé mak afeita ba Timor-Leste no Povu, nein Primeiru Ministru, nein Prezidenti Parlamentu Nasionál nomos nein Prezidenti Repúblika,” Hateten Primeiru Ministru (PM) Taur Matan Ruak iha âmbitu lansamentu Vasina iha Sentru Saúde Formosa, Kuarta (07/04).

Xefe Governu Hatutan, PM apela ba parseiru internasionál sira hotu ne'ebé mak iha Timor-Leste no Komunidade sira hotu ita hamutuk, haketak ita-nia diferensia hotu, tau matan ba ita-nia sidadaun sira. PM dehan, Atu atinji ita hotu nia diak, la'os tempu ba ita halo kompetisaun maibé tempu ita hotu homilidade no respeitu ba ita-nia maluk mate sira no Sofrimentu povu nian nune'e ita bele fó ita nia kbi'it tomák hodi servisu ba sira.

‘Ha’u oferse ha’u-nia vida tomák fó ba povu ida ne'e, no ha'u hakarak timor oan sira hotu banati tuir historia timor nian, ba salva guarda vida sidadaun sira nian, tanbá ita aproveita situasaun sira hanesan ne'e hodi hetan vantajen polítika. Tanbá ne'e, bainhira ita halo ida ne'e, ita baixa an demais, no ita hatun ita-nia an demais no timor lamerese ba ida ne'e,” Haktuir Primeiru Ministru.

Xefe Governu oferese an sai ema primu simu vasina, atu hatudu ba povu Timor-Leste katak vasina AstraZeneca ne’e seguru. “Ha'u oferese an ba primeiru pessoa atu simu vasina no segundu Prezidenti Parlamentu Nasionál no husu Prezidenti Repúblika karik médiku sira autoriza Prezidenti Repúblika atu simu vasina karik tenki simu ikus liu hodi taka,” Informa nia.

Hetan mós vasina ne’e mak hanesan, Prezidente Parlamentu Nasionál, Aniceto Guterres, Nune’e, Prezidente Tribunal Rekursu, Deolindo dos Santos, Vise Primieru-Ministru, Jose Reis, Laureadu Nobel ba Pas, Dr. Jose Ramos Horta inklui membru Governu sira. Hola parte mos iha lansamentu vasina ne'e mak hanesan Arsebispu Arquidioseze Dili, Dom. Virgílio do Carmo da Silva, Embaixadór sira ne’ebé akreditadu iha Dili, reprezentante OMS, UNICEF no konvidadu sira seluk. (BT)