DÍLI----Ministru Prezidensia Konsellu Ministru (MPKM) Fidelis Manuel Leite Magalhães, hatete Bazeia loron tolu liliu Sabadu kalan too Domingu akontesimentu udan ho variedade boot iha territoriu laran tomak inklui Dili sai afeita maka’as ba inundasaun ka mota tun sobu uma, populasaun ka Komunidade barak mak afeita ba akontesimentu ne’e, nune’e, ohin mai haree familia sira ne’ebé afetadu ho individual la’ós mai husi parte governu hare oinsa fó apoiu netik atu oinsa atende nesesidade bázika bá familia-84 ne’ebe mai hamahan aan iha Cruz Vermella Timor-Leste (CVTL).

“Ha’u mai fó apoiu bá Cruz Vermella Timor-Leste, tuir kbi’it ne’ebé mak ha’u iha, osan ne’ebé ha’u fó ho ha’u nia salariu rasik hanesan Ministru Prezidensia Konsellu Ministru bá fulan ida nian oinsa ha’u mós bele kontribui netik,” Hateten Ministru Prezidensia Konsellu Ministru (MPKM) Fidelis Manuel Leite Magalhães bá jornalista sira iha Salaun CVTL-Formoza, Tersa (06/04).

Nia hatutan, Husi Apoiu ne’e hodi Cruz Vermella Timor-Leste bele halo servisu nafatin no toma atensaun ba familia afeitadu ne’ebe mak mai hela iha ne’e hodi oinsa atende ba inan isin rua no bebe-84 iha salaun ida ne’e.

Nia Informa, Espera Cruz Vermella Timor-Leste bele halo servisu hamutuk nafatin ho Sentru Integradu Jestaun Krije (SIJK) ho governu servisu hamutuk hodi oinsa bele haree no toma atensaun ba populasaun sira nafatin.

Entretantu, Prezidente Cruz Vermella Timor-Leste (CVTL), Madalena Hanjam haktuir katak, CVTL hetan doasaun osan husi Ministru Prezidensia Konsellu Ministru (MPKM) hodi oinsa atende bá nesesidade bázika bá familia sira ne’ebé Afetadu iha CVTL hamutuk-84 familias, Nune’e, agradese tebes ba apoiu individual ne’e.

“Ohin loron iha Cruz Vermella Timor-Leste, ami hetan doasaun husi Ministru Prezidensia Konsellu Ministru (MPKM) Fidelis Manuel Leite Magalhães osan ho montente $3 mill mai ami atu atende familias afeitadas iha CVTL,” Haktuir Prezidente Cruz Vermella Timor-Leste (CVTL), Madalena Hanjam.

Nia dehan, Agora CVTL simu ona populasaun ne’ebé afetadu ba inudasaun hamutuk-84 familias, ba inan isin rua no bebe, CVTL iha ne’e la simu familia injeral maibe haree bá iha parte ne’ebé funeravel liu. “Ami mós bá iha fatin ne’ebé mak difisil hodi inan isin rua no bebe hodi evakua mai CVTL atu bele hetan asistensia didiak no labele hetan kontaminasaun moras husi ema barak” Esplika nia.

Nia dehan, CVTL mós fó hahan ba familia afeitadas ne’e, hanesan sasoro, Beé manas no sasan bazika sira bá labarik sira bele uza hanesan popok, susuben no seluk tan. Nune’e, iha ajuda sira ne’e no ami husu fali bá inan sira bebé hemu susuben saida, entaun ami mos ba hola tuir ida ne’e hodi fó.

Nia Informa tan, Cruz Vermella Timor-Leste mós fó protesaun bá voluntariu sira-nia servisu iha mós Mediku, Enfermeiro no Enjineria haree parte sira ne’e, ida ne’ebé mak kondisaun todan liu CVTL nia ekipa tun bá terrenu hodi halo evakuasaun bá familia ne’ebé hasoru iha risku no Vuneravél. Aleinde ne’e, hein mós husi parte governu prepara ona fatin entaun bele evakua fali bá fatin ne’ebé mak governu sira determina.

“Oras oituan ha’u sei bá haree iha fatin João Paulo II no Dom Bosco Komoro, ba iha ne’ebá mak kondisaun grave ka apertadu liu, tenki husu para tau fali sira bá fatin seluk ne’ebé iha hodi hadok a’an husi moras seluk no labele hetan kontaminasaun tanba iha moras lima (5) ne’ebé mak bele kona ema lalais mak Diareira, Isin-Manas, Katar, Mear no hinus ben bá grupu ne’ebé mak vuneravel liu bá ferik no katuas sira hanesan kona strok ho situasaunn Covid-19 ita tenki atensaun bá iha parte ida ne’e,” Salienta nia.

Nia dehan tan, Husi Apoiu ohin hamutuk ho apoiu ruma husi doasaun parseiru sira, osan ne’e sei uza fali bá hola nesesidade bá familia sira ne’ebé agora dadaun iha CVTL no mantein hijiene bá sira. “Osan ami simu husi doasaun parseiru sira mak liu, ami sei haruka fali bá CVTL nia filial sira iha munisipiu hodi atende familia sira ne’ebé hasoru inudasaun, no osan ho montante $3 mill ohin mos CVTL halo evakuasaun nomos CVTL nia ema preparadu ona iha fatin sira ne’ebé risku no sei la hein tanba CVTL nia voluntariu hamutuk 6 mill iha munisipiu no aldeia hotu iha,” Tenik Nia.

Nia Informa, Kuandu to’o ona iha klaminadade ne’e CVTL nia ekipa hamrik hodi la’o bá hasoru situasaun hanesan ne’e, hodi tau matan ba familias ne’ebe afeita vulneravel hodi oinsa fó atendimentu iha momentu sira hanesan ne’e. (BT)