DÍLI----Koordenador Pilar-7, Sentru Intregradu Jestaun Krize (SIJK), Nilton Do Carmo Da Silva hatete Bazeia ba pandemia global ho naran Corona Virus Desease 2019 (COVID-19) ne’ebe hahú primeiru mosu iha Xina (Wuhan) iha tinan 2019 no trasmite ba mundu inklui Timor-Leste rejista kazu foun hahú iha tinan 2020 hamutuk pasiente-24 konsege hetan rekoperadu.

Ho nune’e, hahú rejista hikas iha fula Fevereiru ate ohin lakonsege salva inan feton ida ho idade tinan-44, ne’ebe, Timor-Leste hahú primeira vez rejista mate ida husi kalamidade Mundial COVID-19.

“Pandemia global COVID-19 né'ebe mak nasaun sira hotu-hotu afetado inklui Timor-Leste foin primeira vez Timoroan ida mate ba COVID-19, nune’e, agora ekipa sei prepara ba hakoi iha Metinaro, ba fatin ne’ebe mak governu prepardu ona,” Hateten Koordenador Pilar-7 SIJK, Nilton Do Carmo Da Silva Ba Jornalista sira hafoin transferê mate isin COVID ba Metinaro iha Hospital Lahane, Tersa (06/04).

Nia haktuir, Nia Kronolojia, Feto ho idade-44, nia afetadu COVID iha Loron 24 fulan Marsu maibe Swap iha 23 Marsu. Depois desloka ba Izolamento Tasi-Tolu, mediku fo observasaun, iha loron 4 fulan Abril hatudu simtomas, mediku sira fo atendimentu tuir kazu ne’ebe mak lijeiru.

Maibe Orseik hafoin Transfere mai iha Hospital Lahane observasaun mediku sira iha fo atendimentu mantein ba paciente ho komisaun grave. Pasiente refere uza termometru nomos fo atendiementu uza acido metabólico ne’e kondisaun ida né’ebe rezulta Pasiente nia tratamento gagal Ginjal Kronik no lakonsege atu salva iha ohin loron. Ho ida ne’e, “Hahu ohin Timor-Leste rejista pasiente afetadu COVID mate ho kalamidade moras kroniku,” Esplika nia.

Nia dehan, Matebian nia isin hanesan pasiente ne'ebe mak ba COVID-19, nune’e, ekipa saúde servisu hamutuk ho ekipa MSSI inklui MAE nian atu oinsa orsida MSSI Mai Saúde mak Sei entrega ba nomos MSSI sei lori ita nia mate isin Sei lori ba iha fatin né'ebe mak Governu Preparadu iha Metinaro. “Familia mate isin sei akonpaina ba Metinaro ho ekipa husi MSS, MAE, Saúde, inklui ekipa hakoi mate isin COVID-19 (Coveiros) preparadu hodi transfere ba semiteriu,” Informa nia. (BT)