DÍLI----Kompañia Jacinto Group Lda, fó apoiu Nesesidade baziku ba komunidade uma kain-9 iha suku Kamea Bekora ne’ebé mak afetadu ba dezastre natural husi Inundasaun. Nesesidade Bazika ne’ebé mak apoiu husi Supermerkadu Jacinto ne’e mak hanesan supermie, Mina, Sabaun, Rinsu, Popok Labarik, Susu been, inklui ropa ba labarik tinan-2 no labarik tinan-6 ba leten no ropa ba Inan sira.

Tuir Reprezentante Kompañia Jacinto Group Lda, Karen Guterres Uitomo hatete Ajudasaun ne’e tuir Jacinto nia Forsa ne’ebé mak iha hodi atende uluk nesesidade bazika ne’ebé mak komunidadade sira presiza. “Ba dezastre ida ne’e ami labele hatene ami fó saida atu ajuda ita boot sira ba ita boot sira-nia nesesidade bazika ba mana sira, ami mai fó apoiu ida ne’e emerjensia,” Hateten Reprezentante Kompañia Jacinto Karen Guterres Uitomo ba joranlista sira, hafoin fahe sasan iha sede Suku Kamea, Segunda (05/04)

Nia informa, Governu apoiu maibé Ami hanesan setór privadu Ami Mós fó apoiu ba buat ne’ebé mak ami bele fó ba imi hodi responde nesesidade baziku de’it no tuir ami-nia forsa ne’ebé mak iha. Iha fatin henesan Reprezentante Vitima inundasaun Florentina Da Costa haktuir, agradese ba ajuda husi Loja Jacinto bele responde ona han kalan tanba akontesimentu ne’e la espera atu mosu.

“Ami nein salva Nesesidade Uma laran, liu-liu ropa, bikan kanuru no sasan sira ne’ebé mak ami iha uma laran hetan estragus hotu,” dehan Reprezentante Vitima inundasaun Florentina Da Costa. Nia Esplika, Ami mai iha ne’e mai horseik dadersan tuku 4 mota sobu ami-nia uma, bee tama too uma ne’e ami hamtuk uma kain-9, ami-nia uma ne’e grave liu Buat ruma mós la salva hotu, ami mai ho ropa hatais nian de’it.

Enkuantu Xefe Suku Kamea, Matos Da Costa Hatutan liutan katak, fó Agradese ba kompañia Jacinto nia ajuda ne’ebe sustenta ona Komunidade nia nesesidade bazika ne’ebé infrenta. “Apoiu husi Mana Claricia Lay kompañia Jacinto apoiu nesidade bazika ba komunidade sira ne’ebé uma hetan estragus no daduan ne’e hamahan-an iha sede Suku Kamea ami fó obrigadu no agradese,” Salienta Xefe Suku. (BT)