DÍLI----Deputada Bankada Opozisaun CNRT Fernanda Lay kestiona ba Governu ko’a osan salariu husi funsionariu 7% kada liña ministeriál sira atu oinsa halo pagamentu ba Programa "Cesta Bazika" maibe programa Cesta Bazika ne’e iha orsamentu rasik.

“Ita ko’alia Programa maibé tanba 7% hasai fali programa ida ne’e mak ko’a ami hein hela UPMA atu ami konfirma, Sei UPMA firme nia pozisaun ita boot tenke esplika Sesta Bazika tanba sa mak programa balun laiha orsamentu,” Hateten Deputada Bankada Opozisaun CNRT Fernanda Lay ba Jornalista sira iha sala plenaria PN, Kuarta (24/03).

Nia dehan, Lei Orsamentu Sesta Bazika, iha 2020 sira tau osan, mais nia la propria, Sei banhira pagamentu do kontratu obrigasaun signifika tenke preve osan atu selu ema, tanba simu sasan depois de kontratu iha obrigasaun ne’e sira bele hatoo entrega sasan ate Fevereiru mais depois de lasimu osan fila ba Kofre Estadu.

“Klaru katak ne’e mós hanesan saldu ida ne’ebé trijita Orsamentu por programa atu evita transferensia entre robrigas duminui tanba saida mak ko’a 7%, otomatikamente ministeriu sira agora hakilar ne’e impaktu ne’e iha, karik sira husu 7% entaun orsamentu iha tinan 2021 laiha,” Salienta nia.

Nia haktuir, Governu koa osan pursentu 7 (7%) mais Orsamentu Jeral Estadu 2021 laiha, tanba saida programa iha maibe UPMA mós lahetene Ministeriu mós lahatene tanba fundu kontijensia ne’e kamara de kontas mak ko’alia ba despezas ne’ebé imprijives, banhira iha dezastre naturais ita lahatene, ne’e bele mais agora ida ne’e selu fali salariu no selu fali sesta bazika tuir lolos preve orsamentu ne’e kakutak laiha.

“Enkuadramentu legál hare’e husi ne’ebé, foti osan iha ne’ebé mak determina, halo tiha orsamentu haluha agora husu osan mai husi ne’ebé, sei halo programa atu hetan ida ne’e hodi ko’a UPMA bele identifika, galae? lei iha,” Kestiona Fernanda Lay. Nia Salienta liutan katak, Bankada opozisaun konfuzaun ho governu, presiza esklarese Governu mak tenke esklarese situasuan ho di’ak, ami rasik laiha relatoriu ne’e susar tebes, ami foin simu relatóriu ezekusaun tuir lei kuatru trimestre 2019 ida ne’e mós seidauk evita.

Ne’e Dunik, CNRT espera katak fundu Covid bele haruka relatóriu mai, mai iha perguntas lubuk ida, tanba iha ne’eba sira hatete dehan katak iha poupansa, kuandu poupa tuir ha’u nia opiniaun hanesan ema ke laos Tekniku iha ne’ebá. “Kuandu ita halo hotu tiha despezas selu tiha hotu mak ita hatete iha poupansa mais ita sei iha tusan hela ho KompaÑia sira ita dehan Poupansa ita la komprende, ha’u halo perguntas ba Ministeriu finansa mais la hatan iha momentu ida fortunu atu esplika mais agora la aparese,”

Nia Informa, Prezidente Parlamentu banhira mak sira mai atu esklarese Orsamentu Fundu COVID tanba tuir Dekretu Lei ne’ebé sira halo ba fundu ne’e rasik periodikamentu tenke hatoo iha ne’e duke ita gasta barak Parlamentu hatete presiza reforsa galae, hau hakarak relatóriu no esplika relatóriu ne’e laos mai ita basa-basi de’it fila ne’e lae. (BT)