DÍLI----Bazeia ba konferensia imprensa liuhusi Sala Situasaun-Sentru Integradu Jestaun Krizi (SIJK) hato’o katak Kazu pozitvu dadaun ne’e aumenta na’in-16, Kazu rekuperadu no mate laiha, Kazu ativu iha fatin Izolamentu iha Vera-Cruz sa’e ba na’in-227.

Tuir Ofisial Kordenador Forsa-Tarefa ba Prevensaun no Mitigasaun Surtu Covid-19 iha Timor-Leste, Dr. Rui Maria de Araújo Via video Zoom hatete, Aproveita oportunidade ida-ne’e atu informa ba públiku katak kontinua disisplina ho regras Ministeriu Saude no Organizasaun Saude Mundial nian tamna bazeia screening swab mass ka rastreiu seletivu em massa iha Dili rezultadu Kazu foun aumenta ba bebeik.

“Kazu foun ohin na’in-16, Kazu rekuperadu laiha, Kazu ativu Iha Izolamentu Vera-Cruz na’in-227,” Hateten Ofisial Kordenador Forsa-Tarefa ba Prevensaun no Mitigasaun Surtu Covid-19 Rui Maria de Araújo Ba Jornalista Sira liu husi Via Video ZOOM, Iha SS-SIJK, Merkadu Lama, Tersa (23/03).

Nia htautan, Husi kazu nain-16, iha mane nain-6, feto nain-10, Ema sintomátiku na’in-4, Ema asintomátiku na’in-12, Husi horiseik mai ohin hamutuk hotu halo 689 testes PCR. iha Munisipiu Dili iha kazu foun-14, ho detalles hanesan Kazu pozitivu-3, hela iha Aldeia Bidau Tokobaru 2, Suku Kulu-hun, Postu Administrativu Cristo Rei, Kazu pozitivu-9, hela iha Aldeia 20 de Setembro, Suku Bebonuk, Postu Administrativu Dom Aleixo, Kazu pozitivu-1, hela iha Aldeia Kakeu-laran, Suku Bekora, Posto Administrativu Kristu Rei, Kazu pozitivu-1, hela iha Aldeia Mota-klaran, Suku Bidau, Posto Administrativu Kristu Rei.

Nia dehan, Munisipiu Vikeke ohin iha kazu foun-2. Hamutuk hotu Munisipiu Vikeke deteta ona kazu konfirmadu nain-10, Munisipiu Baukau inklui Munsipiu Lautem Kazu foun ohin laiha. Ho nune’e, kazu detetadu ka pozitivu iha Munisipiu Dili husi dia 7 de Marsu 2021, to’o ohin, 23 de Marsu de 2021 hamutuk hotu 197.

Nia Informa, Ho bazea ba informasaun ne’ebé ekipa konjunta saúde nian rekolle, foku/cluster kazu pozitivu iha Dili, fahe ba cluster 35, namkari iha instituisaun 4, eventu 1, Suku 10, fatin kuarentena 1, iha Postu Administrativu Dom  Aleixo, Vera-Cruz, Nain Feto no Kristu Rei.

Husi cluster 37 ne’e, iha cluster 14 mak semana 1, loron loron 5, la iha kazu foun. Nia Haktuir, Nafatin apela ba populasaun ne’ebé saí husi Dili ba munisipiu sira seluk, entre dia 5 to’o dia 9 de Marsu madrugada, molok serka sanitaria hahú tama iha vigor iha Dili, atu favor ida aprezenta-an ba autoridade saúde sira ne’ebé besik-liu, iha imi nia hela fatin, hodi bele hetan atendimentu.

Apela mós ba komunidade iha munisipiu sira hotu, wainhira hatene kona-ba ema ruma ne’ebé sai husi Dili molok serka sanitaria hahú iha Dili, halo favor informa hela autoridade sira atu bele halo atendimentu ba sira. Apela mós ba populasaun iha Munsipiu Dili no mós munisipiu sira seluk: wainhira sente isin manas, kakorok moras, inus-ben, mear, favor hakat ba Sentru Saúde ne’ebé besik-liu atu bele hetan atendimentu.

Nia Informa, Relasiona ho kazu ne’ebé maka iha Timor-Leste ne’ebé mak nia numeru sa’e maka’as no fó amiasa ba Públiku nia saúde, SIJK Apela ba populasaun Timor-Leste tomak, liu-liu iha Munisipiu Dili, Baukau ho Vikeke atu nafatin hakmatek, lalika sé tilun ba lia-anin ka rumores, pratíka nafatin medida sira ne’ebé ita hotu hatene onakatak, Uza maskra; fase liman beibeik ho sabaun ka dezinfetante ruma; evita kose liman ba matan, inus ho ibun; wainhira kumprimenta malu, lapresiza ka’er liman, bensa-liman, rei-malu ka haku’ak malu; evita halibur malu barak; hamri’ik ka tur do’ok husi ema seluk, mínimu metru ida hon balun. (BT)