DÍLI----Relasiona ho pamdemia Global Covid-19 ne’ebé mak Nasaun hotu-hotu afetadu inklui Timor-Leste tanba kazu ativu Sa’e makaas, nune’e, Kazu foun na’in-55 ohin, no kazu ativu iha izolamentu na’in-206.

Tuir Ofisial Kordenador Forsa-Tarefa ba Prevensaun no Mitigasaun Surtu Covid-19 iha Timor-Leste, Dr. Rui Maria de Araújo Via video Zoom hatete, Aproveita oportunidade ida-ne’e atu informa ba públiku katak kontinua disisplina ho regras Ministeriu Saude (MS) no Organizasaun Mundial Saude (OMS) nian tamba bazeia screening swab mass ka rastreiu seletivu em massa iha Dili resultadu Kazu foun aumenta ba bebeik

“Kazu foun ohin na’in-55, Kazu rekuperadu na’in-3, Kazu ativu na’in-206,” Kordenador Forsa-Tarefa ba Prevensaun no Mitigasaun Surtu Covid-19 iha Timor-Leste, CIGC-SS) Dr. Rui Maria de Araújo ba Jornalista sira liu Husi Via ZOOM, iha sentru SS-SIJK, Merkadu Lama, Domingo (21/03).

Nia dehan, Kazu nain-55 ohin, iha mane nain-23, feto nain-32, Ema ho idade tinan 0-14 hamutuk na’in-13, Ema ho idade entre tinan 16-67 hamutuk-42, Ema sintomátiku na’in-9, Ema asintomátiku na’in-46. Tuir kazu husi Munisipiu kazu foun na’in-43, Iha Munisipiu Vikeke, ohin iha kazu foun na’in-1 no husi Munisipiu Baukau hamutuk na’in-11, kazu detetadu ka pozitivu iha Munisipiu Dili husi dia 7 de Marsu 2021, to’o ohin, 21 de Marsu de 2021, hamutuk hotu na’in-179, husi Munisipiu Baukau deteta ona kazu konfirmadu hamutuk nain-19,husi Munisipiu Vikeke deteta ona kazu konfirmadu nain-4.

Kazu positivu loron ohin nian iha Díli, Kazu pozitivu na’in-1 hela iha Aldeia Berbidu, Suku Becora, Kazu pozitivu na’in- 9 hela iha Aldeia Bidau Tokobaru 2, Kazu pozitivu na’in-26, hela iha Aldeia 20 de Setembro, Suku Bebonuk. Ministeriu Saúde (MS) liu Husi Sentru Integradu Jestaun De Krize (SIJK) Nafatin apela ba populasaun ne’ebé saí husi Dili ba munisipiu sira seluk, entre loron 5-9 de Marsu madrugada, molok serka sanitaria hahú tama iha vigor iha Dili, atu favor ida aprezenta-an ba autoridade saúde sira ne’ebé besik-liu, iha imi nia hela fatin, hodi bele hetan atendimentu.

Apela mós ba komunidade iha munisipiu sira hotu, wainhir hatene kona-ba ema ruma ne’ebé sai husi Dili molok serka sanitaria hahú iha Dili, halo favor informa hela autoridade sira atu bele halo atendimentu ba sira.

Relasiona ho kazu ne’ebé maka iha Timor-Leste ne’ebé mak nia numeru sa’e maka’as no fó amiasa ba Públiku nia saúde SIJK Apela ba populasaun Timor-Leste tomak, liu-liu iha Munisipiu Dili, Baukau ho Vikeke atu nafatin hakmatek, lalika sé tilun ba lia-anin ka rumores, pratíka nafatin medida sira ne’ebé ita hotu hatene onakatak, Uza maskra; fase liman beibeik ho sabaun ka dezinfetante ruma; evita kose liman ba matan, inus ho ibun; wainhira kumprimenta malu, lapresiza ka’er liman, bensa-liman, rei-malu ka haku’ak malu; evita halibur malu barak; hamri’ik ka tur do’ok husi ema seluk, mínimu metru ida hon balun. (BT)