DÍLI----Relasiona ho kazu Covid-19 ne'ebe kontinua aumenta iha nasaun Timor-Leste, governu liuhusi reuniaun Konsellu Ministru hasa’i rezoluaun serka sanitaria ka komfinamentu obrigatoriu iha Díli, bandu ema lala’o ba mai husi munisipiu tama Dili, husi Dili labele ba munisipiu, estudantes balun mai husi munisipiu hela kost iha Díli laran infrenta aihan, Sidadaun babain ida iha fuan ho domin boot ho naran Herculando Asala Vicente ho-nia maluk na’in-4, soe hamutuk osan, depois buka tan apoius ruma husi deputadus nomos diretores balun inklui kompañia Telcomcel fó apoiu ba estudante sira hela iha kost.

Nia dehan, nudar timoroan nomos hanesan Jerasaun foun tenke ho fuan boot, kontinua obrigasaun boot atu asegura no lori Timor ba mundu. “Ita labele jeneraliza ema ida nia direitu ne’e laiha, maibe Timor ukun-an Timoroan hotu tenke goza ukun-an ida ne’e, entaun ho nune’e iha serka sanitaria lockdown ida ne’e ita hare’e ita alin no kolega estudante sira ne’ebé mak difikuldade ba ai-han, entaun oinsa tranporta sira nia osan liu husi Mosan, tanba mosan iha postu no suku laiha oinsa sira bele haruka osan mai,” entaun kolega sira ne’ebé mak husi Suai ohin ita iha Aimutin ita entrega ba sira ne’e hanesan simbolu kontinuasaun ba luta libertasaun do povu,” Hateten Herculando Asala Vicente ba Jornalista BT hafoin Distribui sasan ba Estudante sira ne’ebé mak hela iha kost iha Ai-Mutin, Sexta (19/03).

Nia hatutan, Sasan distribui ba benfisiariu ne’e, ha’u ho kolega na’in-4 soe hamutuk osan depois aumenta tan doasaun mai husi organizasaun Sagrada Familia ho Jerasaun Patriota, eis Duputadu no Diretór balun inklui mós husi kompañia Telcomcel. “Ami na’in-5 tau osan hamutuk ita hola depois de prosesu distribui ita hetan mós apoiu husi ita-nia Eis Deputadu balun, Diretór balun, inklui ita-nia organizasaun hanesan Sagrada Familia Ho Jerasaun Patriota kontribui oituan ba ita inklui Telkomcel mak apoiu ita durante ita lao,” tenik nia.

Nia haktuirr, Antes Hau hanoin hanesan timoroan fuan boot ba nasaun, saida mak ita-nia inan aman halo iha tempu uluk too ohin loron ita goza independensia ida ne'e, ita iha obrigasaun boot atu asegura no lori Timor ba mundu, tanba ne'e mak ita iha obrigasaun hodi kontinua luta ita-nia inan-aman sira ne'ebe mak halo, nia informa, “Ha’u hanoin dala ida tan kontribuisaun ne’e laos ha’u mesak inklui maluk sira ne’ebé mai husi Organizasaun sira ne’ebé apoiu ha’u mak ohin loron ita entrega, kuaze ita lao ona ne’e estudante Na’in-50 ona mak hetan ona subsidiu ne’ebé mak husi ita hare’e kada kost ida mak ema na’in-4 ba leten fó foos saku ida,” Esplika nia.

Nia relata, Estudante sira ne’e maioria mai husi universitaria UNPAZ, UNDIL, UNTL, UNITAL, no Ami hare’e ba Distritu no ami lakhoi kria rassa ba Timor, se de’it mak Timoroan iha direitu atu goza, ita la dehan lorosae loro mono, maibe ita mesak timoroan fó liman ba malu hodi lao ba Tuir Kronolojia, Herculando mós hanesan estudante, servisu iha sosiedade sivil rekomenda ona Estadu mós tetu mais prosesu sira ne’e birografia kleur orcida diskute, maibé nia hanoin ne’e sira nia servisu tenke hadia kondisaun sira hotu mak lao. Jerasaun foun saida mak atu halo, iha obrigasaun hamutuk tane rai ida ne’e, hodi fó buat ne’ebé mak iha.

“Ha’u hanesan jerasaun foun, ha’u sente saida mak ita hakarak halo nomos saida mak ita iha, ita labele hein estadu ne’e ita-nia kolega sira bele mate hamlaha, see estadu seidauk iha apoiu ita sei kontinua, osan laos mai husi ha’u de’it, maibe ha’u sei tane liman ba ita-nia lider sira seluk no empreza sira seluk apoiu kontinua,” Informa nia. Entretantu, Benefisiariu Estudante hela iha kost, Adão Perreira agradese ba ajudus husi distribuitór ho nia maluk bele fó han ona sira iha kalan no loron.

“Obrigadu ba ita boot sira ajuda ami sente kontente ami-nia agradese, tanba estudante munisipiu Covalima, tanba ho ajudasaun ne’ebé mak bin maun sira sira nia ajuda ida ne’e mak hodi sustenta ami nian vida moris iha durante Serka Sanitariu nia laran,” Benefisiariu Estudante hela iha kost Adão Pereira. Benifisiariu ne’e informa, Ami foos laiha durante fulan ida foos iha uma laiha enatun ami buka dalan husi kalan sira oinsa ami bele han netik iha kalan, maibe konsege htan jauda husi Bin no Maun sira. (BT)