DÍLI----Bazeia bá rezolusaun Governu liuhosi reuniaun Konsellu Ministru deside extende serka sanitaria no konfinamentu obrigatóriu (lockdown) iha Munisípiu Dili to’o 2 Abril, fila lima na’in husi Munisipiu sei mai too deit selamat datang “Tasi-Tolu” tanba selamat dating mak hanesan sentru ba troka sasan fila liman entre Munisipiu no Dili.

Tuir Fila liman na’in Beatriz da Costa hatete dadaun governu deside ona selamat datang “Tasi-Tolu” sai sentru oinsa fatin troka sasan husi munisipiu ba Dili tanba serka sanitaria no konfinamentu obrigatóriu (lockdown) signifika katak labele halo movimentu ba mai entre Dili ho Munisipiu. “Ohin loron dalan loke bá ami negosiante hodi fa’an ami-nia sasan, maibé ami mai to’o de’it iha Tasi-Tolu, labele tama Dili laran, tanba regra troka sasan iha fronteira de’it ka iha selamat dating Tasi-Tolu nian deit,” Hatete fila liman na’in Beatriz da Costa bá jornalista BT, iha Tasi-Tolu, Sexta-Feira (19/03).

Nia hatutan, Hanesan fila liman na’in observa Governu fo autorizasaun laos iha husi Ermera no Likisa mak mai too deit Selamat Datang Tasi-Tolu deit maibe husi governu realiza autorizasaun ba sidadaun sira atu troka ba malu iha vida negosius nian iha fronteira Tasi-Tolu, Beduku, Balibar no Metinaru liuhosi Sentru Kontrolu Integradu hodi haree bá nesesidade bázika no sasán ne’ebé haruka bá munisípiu no mai Dili.

Nia dehan, Tuir Governu da-ualu fó sai ona informasaun iha loron 16 fulan Marsu to’o loron 2 fulan Abril tinan ne’e, Dili serka sanitaria no konfinamentu obrigatóriu, sasán la presiza autorizasaun atu tama ka sai husi Dili, tenki tama ka sai liuhosi Sentru Kontrolu Integradu, hirak ne’e funsiona iha loron Segunda, Kuarta no Sexta, entre tuku 06:00 dader to’o tuku 06:00 loraik, ema hotu atu tama ka sai husi Dili tenki husu autorizasaun.

“Liuhosi Sentru Kontrolu Integradu ohin halo ona kontrola ba sidadun sira ne’ebé atu fó sasan no nesesidade bázika bá munisípiu no Dili, kareta husi munisípiu atu mai Dili tenki troka sufer, no bá ema sei la tama mai Dili ka bá munisípiu, hetan ona autorizasaun husi Sentru Integradu Gestaun Krise foin bele bá no mai” Esplika nia.

Nia informa, Maibe hanesan Negosiantes ka fila liman na’in sente governu antes foti desizaun ruma presiza tetu didi’ak ba situasaun ne’ebé mak akontese ne’e, hafoin mak foti solusaun, selae hanesan dadaun ne’e buka kastigu povu atu mate tan mak iha tanba laiha planu ne’ebe mak razoavel los ba povu.

“Estadu halo palnu ida hanesan ne’e halo terus povu, povu nia moris estadu presisa hanoin hotu mak hafoin foti desisaun, povu nia moris ho negosiu ka fila liman mak ohin loron sai boot tur iha leten ne’eba, hare estadu laos ukun Povu maibé animál mak ukun fali povu tanba povu hanoin atu buka moris mos susar los, hanesan vida fila liman kasian halo tuir deit boot sira hakarak par oinsa ami buka sosa fali hahan hodi han iha loron ida,” Salienta nia

Alende ne’e, observasaun husi jornalista Business Timor, iha Tasi-Tolu katak los duni, Selamat Datang sai sentru ba troka sasan entre Dili ho munisipiu tanba sidadaun sira husi munsipiu ohin loron iha Tasi-Tolu troka sasan deit iha selamat datang Tasi-Tolu deit maibe iha parte seluk sidadaun husi munisipiu mai too Tasi-Tolu laiha distansia sosiál, halibur malu hamutuk iha fatin ida, balun la-uza maskra, Sentru Kontrolu Integradu halo kontrola no ko’alia ba sidadaun sira atu mantein protokolu husi Ministériu Saúde no Organizasaun Mundial Saúde, maibe sidadaun sira la kumopri regras ne’ebé fó sai ona. (BT)