DILI-Iha loron tersa feira semana liu ba kuaze estasaun mina sira iha Dili laran barak mak la iha mina. Ho nune’e transporte publiku barak mak la halo ninia operasaun. Falta minasunuk gazolina ne’e tanba kompañia Pertamina Indonesia nebe durante ne’e fornese mina ba estasaun mina sira iha Dili laran falla. Empreza estasaun mina balu ikus mai halo desizaun sosa mina diretamente husi Atapupu nebe nia kualidade la dun di’ak.

Sira lori mai fahe ba sub estasaun sira ne’ebe fa’an tutan mina. Kuandu mai lori tonelada rua nolu (20) nia sei fahe 5-10 ba kastone sira, hateten Diretor Supervaizor Esperansa Timor Oan (ETO) Plinio Lawis Gusmão iha Taibesi Sina Rate nia sorin.“Ami sei fa’an nafatin mina, tanba hetan mina husi Pertamina Indonesia ne’ebe diretamente mai husi Atapupu. Maibe, sira fo la tuir kompañia Sub Estasion ETO presiza. Dala ruma lori mina menus liu, dala ruma iha Sub Estasion mamuk tiha ona mak foin lori mai,” Plinio hatete.

Sub estasaun ne’ebe la fa’an ona gazolina ne’e tanba sira hasai subsidiu premium. Mais, sira fa’an Pertamax ne’e mak fó impaktu ba distribuisaun mina mai iha Timor-Leste no mós nia presu. Maibe, presu gazolina ho Pertamax iha diferensia, Pertamax boot.Kompañia ETO fa’an gazoel $1.20 bensin $1.35 agora Pertamax $1.45 iha diferensia centavos 10. Ne’e duni, sira ba sosa iha ne’eba lori mai fa’an fali iha ne’e hasae presu para hetan lukru. Maibe, mina ne’ebe nia kualidade di’ak mak Pertamax. Tanba ne’e, Australia sira mos uza de’it ida ne’e.

Iha fatin seluk emprezariu ida lakohi hateten sai nia naran dehan, durante ne’e estadu seidauk halo regulamentu ida ba kompañia sira ne’ebé fa’an mina. Sira hetan de’it karta metroliji nian husi estadu.Jornalista Business Timor nebe halo observasaun ba sub estasaun kuaze iha Dili ralan tomak, iha subestasaun lima mak laiha mina. Tan ne’e, karreta ho motor ne’ebe tama sai subestasaun refere labele ense mina tanba stok mina hotu.

Tanba ne’e, karreta no motor hirak ne’e halai tun sae buka mina. Iha sub estasaun Aitula Fuel kareta ho motor forma hakdasak hanesan ema ba simu komuniaun iha igreja laran.Entretantu iha loron kuarta (13/6) hafoin Pertamina Indonezia hatam fali gazolina kuaze tonelada 1,294 hodi fornese fali ba estasaun mina sira iha Dili laran nune’e transporte publiku halao fali sira nia operasaun.(R-5)