DILI - Folin mina ne’ebe agora dadaun kontinua sa’e maka’as, fo impaktu boot ba pasajeiru transporte publiku sira liu-liu estudante, dehan Vise Dekanu Asistante Administrasaun no Finansas Antonio Carceres ba Business Timor, Kuarta (13/06) semana liuba iha kampus Liceu UNTL Dili.

Dosente Fakuldade Ekonomia Universidade Nasional Timor Lorosa’e (UNTL) ne’e hateten durante ne’e sira halo observasaun ba prosesu ne’ebe agora dadaun Timor Leste hasoru kona ba mina folin sa’e, fo impaktu boot ba pasajeiru li-liu estudante sira atu mai halo atividade la konsege tanba kareta la halai.“Kondotor labele halao operasaun iha sidade laran tanba stok mina laiha ou menus, presiza governu tenki foti medidas lalais ba problema refere atu nune’e labele sai problema bo’ot iha timor leste”informa Carceres.

Problema mina ne’e iha mundu tomak presu hanesan, maibe governu ida-idak mak bele rezolve problema refere.“Ita hare Timor Leste nasaun ida ne’ebe produs mina iha kualidade tanba sa Timor Leste sosa fali mina husi nasaun seluk hanesan Indonesia, Malaysia, no singapura,hodi fa’an ou sirkula fali iha ita nia rai?” Carceres kestiona.Kualidade mina iha Timor Leste hanesan mos iha nasaun seluk tanba ita fa’an maibe mina ne’e matak, timor leste fa’an mina matak depois sosa mina tasak mak mai sirkula iha Timor Leste.

Governu hakarak kria sistema merkaduria ne’e lao diak tenki kotrola folin sasan. Governu labele fo oportunidade ba negosiante sira fa’an sasan tuir sira nia hakarak. Governu tenki kria sistema oinsa atu bele kontrola folin sasan tanba folin sasan presiza halo peskiza ou investigasaun klean.Tanba folin sasan bazea ba iha rendimentu, ezemplu fos saka 25 kilograma ho folin $17,00, bazea ba rendimentu funsionariu publiku fulan ida sira simu vensimentu $255.

Standar minimun hira funsionariu publiku iha rai ida ne’e kuandu $200 ba leten signifika katak fos saka 25 kilograma sira bele sosa tanba sira iha kapasidade”dehan Carceres.“Grows Domestik Product (CDP) ne’e bolu dehan nasional income rendementu ne’e boot sasan folin tenki sa’e tanba osan ne’ebe agora dadaun sirkula iha rai laran ne’e sa’e maka’as, folin sasan mos tenki sa’e,” informa Carceres  (R-4)