DILI—Atu bele hetan dezemvolventu ekonomia ida nebe sustentavel, governu tenki iha planu hari’i industria iha rai laran oinsa loke kompu servisu ba povu TL atu hetan rendimentu ba vida moris lor-loron.Reprezentante Estudante Finalista UNTL, Mariano Soares hato’o kestaun ne’e ba BT iha Liceu, Kinta semana kotuk katak.

Tuir nia haree nasaun Timor Leste (TL) foin maka ukun an, dezempregu komesa aumenta ba bebeik. Estudante timoroan barak seidauk hetan servisu, nee duni husu ba governu loke industria hodi fasilita juventude sira nebe laiha servisu. Tuir nia katak, governu liu husi Sekretariu Estado Rekursu Naturais no Ministeriu Ekonomi Dezemvolmentu atu servisu hamutuk para bele hari lalais projeitu kontruksaun suplay base iha kosta sul atu nune’e bele fo oprtunidade mos ba ita nia joven sira.

Nia hatetn katak maske ho kompañia balun ne’ebe fo ona servisu ba maluk Timor oan sira, maibe iha balun maka to’o ohin loron seidauk iha servisu, maske iha sertifikadu. Iha parte seluk Sekretariu Estado Rekursu Naturais (SERN) Alfredo Pires hateten katak, atu hari’i kontruksaun projetu suplai base iha kosta sul hanesan iha Distritu Suai,ida ne’e hanesan industria bot ida ne’ebe maka sei fo benefisiu ba joven Timor oan sira liu-liu sira ne’ebe iha ne’eba.

“Ami agora estuda hela bele hari ne’eba ida ne’e la iha failansiu ida para bele hetan objetivu diak ba povu TL bele hetan benefisiu, tanba ida ne’e Governu loke industria iha rai laran, par abele fo servisu ba ita nia joven sira,” hateten Pires.Nune’e mos Presidente Komisaun C Deputado Manuel Tilman salienta katak, Governu atu hari’i projetu suplay base iha kosta sul tenki halo estudo klean bele hari’i industria ida iha TL ho kualidade bele fo benefisiu ba povu TL. (R-2)