BAUCAU— Distritu Baucau nudar distritu segundu sidade no terseiru lugar nia populasaun barak iha Timor Leste tuir sensus populasaun iha tinan 2010 maibe hare fila fali ba iha dezenvovimentu seitor turismu sei jero total tanba sidauk hetan atensaun makaas husi Ministru Turismu Comersio I industria iha distritu refere.

Tanba hahu husi Timor - Leste hetan idenpedensia ema barak hare katak distritu refere iha pontensia bot tebes tanba iha fatin barak ne’e ho nia panorama ne’ebe bele atria turista sira hodi halo visita maibe sidauk promove diak no sidauk hadia total husi governu liu husi MTCI.

“Seitor Turismu iha distritu Baucau ninia reperzentante sidauk iha ,foin mak iha lisenca negosiu kiik oan mak iha ne’e maibe ida ne’e la tama iha ami nia kontrola no sira seluk nebe iha kordenador ne’e liu husi ami hodi halo suprevisaun “ dehan Administrador Distritu Baucau Antonio A.Guterres ba BT iha semana liu ba iha baucau.

Tuir nia karak Potensia Turismu iha distritu baucau importante tebes nomos ho nia potensia ne’ebe bot teb-tebes maibe sei abandona total.
“Hahu husi timor leste hetan indepedensia MTCI sidauk marka prezensa iha distritu ida ne’e”,dehan nia Nia informa katak iha tinan 2 liu ba administradir distritu Baucau hakarak atu hadia fatin turismu iha Baucau hanesan Tasi ibun Watavo,Laga no Cairavela liu husi proposta nebe aprezenta maibe laiha resposta husi MTCI.

Tanba ne’e nia husu iha future para MTCI atu bele koloka nia reprezentativu atu bele esplora turismu iha distritu baucau hodi bele hadia investimentu ruma iha distritu refere hodi servisu hamutuk ho administrador sira atu bele gia povu lao ba oin.“Iha future ami hakarak husu mos para atu kolokan repreventativu husi ministeriu Turismu Comersial I Industri atu bele esplora turismu iha distritu Baucau ,hodi bele kria investimentu ruma iha ne’e atu servisu hamutuk ho ami hodi gia povu lao ba oin” dehan nia.

Alende ne’e nia mos propoin ba MTCI atu loke centru Convensaun Distritu iha esi merkadu Antigu Vila Foun tanba iha tinan kotuk administrador hatama ona proposta mos maibe laiha resposta hotu husi MTCI.“Ita mos propoin atu loke centru convensaun distrital eis merkadu maibe iha tinan ida ne’e ami hakarak hatama fila fali ba sira hodi hadia para bele hetan reseitas ruma husi iha neba,” Afirma nia.(R-3)