DILI – Ministeriu Tursimu Komersiu no Industria konsidera emprezariu timoroan sira halao negosiu ka bisnis “satu arah”, katak bainhira ida halao konstrusaun sivil hotu-hotu foti area ida ne’e, ida sosa kareta ba transporte publiku, hotu-hotu halo tuir sosa kareta. Nune’e halo sira nia negosiu labele moris ba oin. Tuir MTCI nia haree iha diferensia ho emprezaria rai liur ho local. Tanba ne’e MTCI iha planu sei fo formasaun ba sira atu nune’e labele loke negosiu ho oin ida.

Tuir Direktor Nasional Lisensatura ba Negosiu Domingos Guterres hateten katak atu halo ekivalensia konaba aktividade negosiu nian emprezariu timoroan sira tenki halo mos atividade ba area seluk labele hanesan. Agora dadauk kompañia ne’ebe registu to’o tinan 2012 MTCI registu ona kompañia internasional no mos local hamutuk 1224, ne’ebe barak liu halai ba kontruksaun sivil.“Planu husi negosiu ninian para bele fo formasaun diak liu oinsa para sira ne’e labele halo bisnis satu arah deit, hanesan ohin ita dehan timoroan barak liu maka halai liu ba kontruksaun sivil no seluk seidauk ne’e maka ita bele halo persentajen ne’ebe iha ita bele dehan katak ita timoroan gosta halao bisnis ne’ebe ho satu arah,” hateten nia ba BT iha tersa foin lalais ne’e iha nia fatin MTCI Mandarin Dili.

Tuir nia katak laos timor oan atu halao negosiu ba area seluk labele, tanba atu hare deit ba kontruksaun sasan hotu-hotu depende husi nasaun seluk nian, tanba ne’e halo osan barak maka sai husi ita nia rain.“Laos katak iha area sel-seluk la iha maibe iha maske ita timoroan barak lao ona maibe ita seidauk iha area komersial ne’ebe la’o, entaun ida ne’e ita bele dehan katak maske ita nia numeru aas maibe nia persentajen sei minim,” hateten tan diretor ne’e. ia hateten katak atu labele iha bisnis ne’ebe labele halai ba oin ida, emprezariu sira tenki tuir fali formasaun konaba negosiu seluk, hanesan hotelaria, loja, merkado hodi nune’e bele iha valansu.

“Ita nia nasaun ne’e konaba bisnis iha area oi-oin, labele halai hotu ba kontruksaun sivil,atu halo inpeksaun ne’ebe luan hodi nune’e bele iha balansu, mais material kontruksaun ema maka hatama, ne’e ninia sentidu katak osan ne’e ita hetan ona no osan ne’e sai hotu ba rai liur, ida ne’e maka ita dehan iha valansiu persentajen ne’e tuir numeru hira ne’ebe iha,” nia hatete. (R-2)