DILI—Governu Timor leste marka tan pasu importante ida ba implementasaun Planu Estrategiku Dezenvolvimentu ne’ebe hato’o nia visaun ba iha tempu naruk no harii tuir aliserce ka bases ne’ebe Timor Leste hatur metin ona iha pais ida ne’e .Governu Timor Leste, kuarta semana liuba asina Memorandu Of Undestending (MoU) ho kompania internasional boot rua, Charles Kandall no Kompania Partners hodi ajuda komisaun nasional aprovisionamentu infrastruktura iha Timor –Leste.

Iha sermonia asina MoU ne’e, Primeiru Ministru Xanana Gusmao hatete katak objetivu ba iha asinatura ne’e atu oinsa kompania rua refere ajuda komisaun nasional aprovisionamentu infranstrutura hodi halao aprovisionamentu ba kontraktu projektu boot ne’ebe oras ne’e lao hela iha kosta sul no mos fatin seluk ne’ebe mak iha.“Ita hotu hatene katak ita iha fundu infranstrutura ne’ebe tau osan projektu liu um milliaun projektu ne’ebe halao liu tinan ida, ne’ebe ita hare iha kosta sul husi Suai to’o Beasu buat barak ne’ebe sei mosu ho sentenas, dezenas ida ne’e ita presiza firmi internasional ida kredibel,” dehan Premeiru Ministru Xanana Gusmau iha sermonia Asinatura MoU ho kompana rua refere iha salaun enkontru Ministeriu finansas kuarta feira (24/04).

PM esplika katak kompania internasional barak mak tuir liu husi komisaun nasional aprovisionamentu ne’ebe fo sai nomeru tenderizasaun RDTL12001831 barak mak kompete maibe liu iha selesaun kompania rua refere mak merese.Ne’e duni nia hatete katak durante tinan ida Timor Leste sei aproveita kompania rua ne’e nia kbiit no kapasidade atu ajuda hodi forma ema balun iha komisaun nasional aprovisionamentu tanba durante ne’e iha deit ema nain rua mak fo apoiu iha komisaun nasional aprovisionamentu mak husi internasional ida.

Tuir nia katak planu estrategiku dezenvolvimentu foka liu ba iha area tolu hanesan capital social, dezenvolvimentu infranstruktura no dezenvolvimentu ekonomiku. Tanba ne’e liu husi asinatura ne’ebe iha lori alkansa Timor Leste nia metas ka buat ne’ebe hakarak iha dezenvolvimentu infranstrutura. Timor Leste presiza harii estrutura esenciais lori sustentavel timor leste nia kresementu no loke tan servisu no mos tulun dezenvolve seitor privadu.Nia afirma enkuantu qualidade infras estrutura esensial tebetebes hodi dezenvolve sosial no ekonomikamente, eskal ho kustu lori hasoru dezafiu ka sasatan hirak ne’ebe bot teb-tebes.

Tuir nia katak infranstrutura establese lori sai hanesan instrument ida hodi financial projektu infrans estrutura no governu hari komisaun naasional aprovisionamentu agensia dezenvolvimentu nasional ho sekretariadu projektu hodi asegura katak buat hirak ne’e timor leste hari lao tuir dunik povu nia nesecidade no aspiracoes.Tanba komisaun nasional aprovisionamentu institusaun ida ke naruk maibe timor leste sarab ona ba iha responsabilidade ne’ebe bot tebes atu halo aprovisionamentu ba iha projektu ne’ebe mak ho montante osamentu bot,tanba komisaun nia servisu cobre ciclo aprovisionamentu cobre seitor barak inklui pontes ,portu no aeroportu ,be ho saniamentu ,habitao publika,eskola no ospital.

Tanba ne’e ho knar ne’ebe todan komisaun presiza hetan apoiu internasional ne’ebe diak iha prozektu sira ne’ebe mak ho montante osamentu ne’ebe bot.“Hau laran haksolok tanba komisaunb bele hetan apoiu servisu husi kompana ka firma aprovisionamentu internasional hanesan Charles Kendall ho Partners.Liu husi serimonia asinatura MoU ne’ebe iha PM fiar katak kompana ne’e sei fo tebes duni excelentes konselu ba komisaun no tulun dezenvolve meios ne’ebe presiza lori halao nia funsaun, tanba Charles Kendall no Partners sei tulun mos rejolve kestoes balun iha tempu badak kona ba kapasidade rekursu humanus komisaun nian hodi servisu hamutuk hodi lori hari infrans estrutura no suporta timor leste nia dezenvolvimentu nasional.

“Importante liu kompana ne’e sei tulun atu bele garante katak projektu infras estrutura prinsipais iha kualidade ne’ebe diak ,iha valor monetario no jere ho niveis transparansia ,profisionalismo no integridade ne’ebe as tebes,” katak Xanana.Iha sermonia asinatura ne’e marka partisipasaun husi MED, MSS, MTCI, SED, Embaisada Australia iha Timor – Leste nomos ministeriu balun mos. (R-3)