DĺLI----Bee Timor Leste Empreza Publiku (BTL, E.P) asina kontraktu ho kompaña ida hodi halo servisu melloramentu sistema bee mos iha postu Letefoho ninian no sei benefisia ba suku tolu mak hanesan Dokorai, Katraik kraik no Haufu.
Tuir Presedente Bee Timor-Leste (BTL, E.P) Carlos Piloi Dos Reis hatete, Servisu ida ne'e sei lori tempu naruk kauze fulan neen hanesan ne'e, espera sira servisu tuir tempu ne'ebe konkorda ona iha kontraktu nia laran,
“Hau espera autoridade lokal sira iha postu apoiu sira na'in hirak ne’e kompaña bee Timor-Leste iha terenu para bele atende ka rezolve problema sosial tekniku sira husi kompaña bee Timor-Leste. Orsamentu ba kapital Letefoho nian kuaze 1.45 millõens, maibe ba projetu ne'ebe ohin asina ne'e kuaze 880 mill, tanba ita sei iha rua tan instalasaun tanke rejervatoria bo’ot ho kaligasaun distribuisaun ninian, projetu ida ohin nia sei halo de'it ba hadia nia tanke iha bee ulun iha rua, depois tanke ida, ho tanke distribuisaun ninian kauze sanulu resin ida, inklui distansia kanalizasaun kuaze 17.5 km, ho ninia kustu ne'e bo’ot tanba distansia ne'ebe kobre besik 18 km ba de'it transmisaun,” hateten presidente Bee Timor-Leste (BTL, E.P) ba jornalista sira iha salaun edifisiu BTL, E.P Kaikoli, Segunda (08/05).
Nia hatutan, Sei iha tan projetu rua iha tempu badak sei anunsiu, para sira mos bele kompleta malu halo servisu ne'e hotu lalais, i projetu ne'e sei fo benefisu ba uma kain sira kuaze besik 900 emtermus populasaun hamutuk 5.300, aliende ida ne'e sei benefisiu ba fatin publiku sira, hanesan sede suku, sede postu ninian, postu saude, igreja, eskola no seluk tan.
Iha sorin seluk Direktor kompañia Denio Dos Santos hatutan, Kompañia mos agradese ba vensedor husi BTL, E.P ne'ebe mak fo fiar, ba malvi kompañia sei halo tuir buat ne'ebe mak tau ona iha kontratu fulan neen, presidente ko'alia nia sei halo servisu ne'e tuir servisu ne'ebe mak tau ona iha kontraktu, kompañia garantia sei hola sasan sira ne'ebe mak ho kualidade.
“Kompañia tuir projetu iha ne'e barak ona, ikus kompañia hetan projetu ida ne'e kompañia mos sente kapas atu ajuda komunidade sira, ne'ebe mak bee laiha ne'ebe ohin loron kompañia hetan vensedor ba projetu ida ne'e, agora asina ona aban sei mobiliza ona tekniku sira, atu ba haree sasan sira ne'ebe atu hahú uluk ona,” esplika nia.
Portantu xefe suku Dokurai Rafael Soares Maya aumenta, Primeiru hakarak agradese ba presidenfe BTL, E.P nian, ba to'o munisipiu Ermera agradese tebes proposta ne'ebe mak liga husi BTL, E.P ne'ebe mak survey ona fatin no tekniku sira, ho kompañia malvi ne'ebe mak hetan lukru ka aprovasaun husi parte BTL,E.P nian.
“Bee ne'e distansia ida ne'ebe dook kompustu husi suku tolu, bee matan karik iha suku Katraik kraik, bee ne ninia kanalizasaun liu husi suku dokorai mai to’o suku Haufu ne'ebe mak mak kobre postu Letefoho, tan ne’e agradese tebes kompañia manan nain bele hamutuk ho ha'u, ho ha'u nia suku no kolega husi suku nain rua, ami bele orienta no prepara saida mak ohin kompañia rasik kolia ona,”hakotu nia (BT)
