DĺLI----Konsellu Ministru (KM) liu husi Ministru Prezidensiá Konsellu Ministru (MPKM), Fidelis Manuel Leite Magalhaes, Informa, Konsellu Ministru aprova mós Dekretu Governu rua kona-ba Planu Munispal Ordenamentu Territóriu (PMOT) husi Munisípiu rua hanesan Bobonaru no Ermera.
"Konsellu Ministru aprova mós projetu Dekretu Governu nian rua ne'ebé aprezenta husi vise Primeiru Ministru no Ministru Planu Ordenamentu Teritóriu kona-ba Planu Munisipal Ordenamentu Teritóriu nian (PMOT) husi Bobonaru no Ermera," Informa Ministru PKM Fidelis Magalhaes ba Jornalista hafoin Reuniaun KM iha Palásiu Governu, Kuarta (03/05).
Nia dehan, Planu munisipal sira ba Ordenamentu Teritóriu (PMOT) Bobonaru no Ermera nian ho ninia objetivu mak atu Estabelese estratéjia Dezenvolvimetu teritorial no Polítika munisipal Ordenamentu territóriu no urbaniza nian.
Nune'e mós define regra sira kona-ba okupasaun, uzu no transformasaun ba rai no kriteriu sira ne'ebé atu utiliza iha ezekusaun ba planu sira ne'e, hodi garante jestaun ne'ebé tau ona iha programa territóriu munisipal husi entidade Administrativa lokál sira tuir lejizlasaun ne'ebé vigora hela ho uzu no kostume lokál sira.
"Planu hira ne'e sai hanesan Objetu husi pareser ne'ebé favorese ba komisaun konsultivu sira, ne'ebé atu akompaña atu elabora planu sira, atu kumpre mós formalidade hotu-hotu ne'ebé ezije husi Dekretu lei n.35/2021, loron 29 fulan Dezembru ne'ebé aprova instrumentu sira kona-ba Planeamentu tertitorial," dehan Ministru.
Nia salienta, PMOT ne'e ba nasionál tomak, importante mak dezenvolvimetu ne'e iha Planeamentu ne'ebé lidera, pozitivu mak identifika potensialidade hotu Munisípiu sira iha planu integradu ida ba faze tuir mai dezenvolvimetu nian ba futuru. (BT)
