DÍLI----Autoridade Proteção Civil (APC, Sigla Portugés) Autualiza dadus kona-ba dezastre naturais ne'ebé akontese iha munisipiu-9 hahú husi loron 25 fulan Abril to’o 1 Maiu tinan ne'e.
Tuir Director Gabinete Relasaun Externa no komunikasaun Anacletu Caitano hatete, Autoridade Protesaun Civil sei aktualiza informasaun ne'ebé mak liga ba akontesimentu dezastre durante semana ida ne'e hahú husi loron 25 fulan Abril to'o loron 1 fulan maiu ne'e.
“Durante semana ida ne'e iha munisipiu sia mak afeitada husi dezastre naturais ho tipu tolu, tipu ida anin sobu, tipu ida rai halai ho tipu ida ahi han uma,” Dehan Director Gabinete Relasaun Externa no komunikasaun Anacletu Caitano ba jornalista iha nia kna'ar fatin kaikoli Díli, Tersa (02/05).
Nia hatutan, Uma hirak ne'ebé afeitada hamutuk sanulu resin lima 15 , ne'e husi munisipiu sia mak hanesan, munisipiu Aileu postu Aileu vila iha suku bandu dato aldeia Cabror ne'e ahi han komunidade uma ida iha loron 25 Abril 2023, depois anin bo’ot sobu komunidade nia uma ida iha postu Laulara suku Talitu Aldeia Fatun hun iha loron 02 Masu 2023, iha munisipiu Ainaro postu Hatubeliku suku Nunumove Aldeia Hatubeliku iha loron 25 Abril 2023 ne'e akontese rai halai estraga komunidade nia uma ida.
Nia haktuir, Iha Munisipiu Baucau postu Laga suku Teki naumata Aldeia Kaikasalari ne'e iha 27 Abril tinan ne'e, ne'e anin sobu komunidade nia uma ida, iha postu iha postu Kelikai iha suku Gursa aldeia Saebere ne'e iha loron 22 Abril 2023, ne'e akontese ahi han komunidade nia uma ida, iha fali suku Lete Mumu Aldeia Lebanei iha loron 25 Abril 2023 ne'e akontese anin bo’ot sobu komunidade nia uma ida.
Enkuantu iha Munisipiu Bobonaro postu Balibu suku Leohitu aldeia Moha iha loron 20 Abril 2023 akontese ahi han komunidade nia uma ida, iha Munisipiu Covalima postu Suia vila suku Beco Aldeia haemanu iha loron 27 Abril 2023 akontese ahi han komunidade nia uma ida, iha Munisipiu Ermera iha postu hatulia-A iha suku Koliati aldeia Manu Leten iha loron 22 Abril ne'e akontese anin sobu komunidade nia uma ida, iha postu Ermera Mertutu Aldeia Hotinu ne'e iha 4 Abril 2023 akontese rai halai estraga komunidade nia uma ida, iha suku Lisu Pak Aldeia Katrai Ulun iha loron 4 Abril akontese rai halai no estraga komunidade nia uma ida,
Nia afirma, Iha Munisipiu Manufahi postu same suku Daisua aldeia Riatu iha loron 21 Abril 2023 akontese anin sobu estraga komunidade nia uma ida, iha RAEOA postu Pante Makasar suku Lifau aldeia Oe-molo iha lorn 19 Abril akontese anin sobu komunidade nia uma ida, iha suku Bobokase aldeia Fatu Bikae iha loron 22 Abril 2023 akontese anin sobu komunidade nia uma ida, iha munisipiu Viqueque vila iha suku Maluru aldeia Lobo oan iha loron 22 Abril akontese ahi han komunidade nia uma ida.
“Ahi han uma ha'at rai halai tolu ho anin sobu ualu ahi han uma munisipiu Aileu ne'e tanba sira tein iha dapur la kontrola ahi entaun ikus mai ahi bo’ot han komunidade nia uma no iha munisipiu tolu ahi ne'e tanba sirkuitu eletctrisidade, tanba parese ema la iha kontrolu ba ita nia instalasaun eletrisidade tanba ne'e hamosu estraga ita nia uma,” tenik nia.
Aleinde ne'e mos Autoridade Protesaun Civil alerta ba komunidade sira ne'ebé mak hela iha parte foho lolon ka rai tetuk tenke kuida a'an, no kuida sasan tanba agora tempu udan no sei iha anin bo’ot ne'ebé mak bele mos hamosu fali dezastre anin sobu maka'as liu, no informa ba komunidade sira katak, hare’e eletcrisidade hirak ne'ebé maka instalasaun ladun di'ak, hodi nune'e bele hadia ka halo instalasaun foun no bele gatante moris hakmatek iha uma.
Nia relata, husi Munisipiu sia ne'e kuaze hetan hotu ona apoiu emergensia mak hanesan food item no non food item Food item mak aihan hanesan supermie, fós no seluk tan i non food item mak bikan, lona, sanan no seluk tan. (BT)
